ဟိမဝန္တာတောင်မှာ နှင်းပြိုကျမှုကြောင့် တောင်တက်သမား ၁၀ ဦး သေဆုံး

အိန္ဒိယဟိမဝန္တာတောင်မှာ နှင်းပြိုကျမှုကြောင့် တောင်တက်သမား ၁၀ ဦး သေဆုံးခဲ့ပြီး အခြားလေ့လာရေးအဖွဲ့ဝင် ၁၈ ဦးလည်း ပျောက်ဆုံးနေသေးကြောင်း ရဲတပ်ဖွဲ့က ဗုဒ္ဓဟူးနေ့မှာ ထုတ်ပြန်ခဲ့ပါတယ်။ အဆိုပါ ဖြစ်စဉ်ဟာ အင်္ဂါနေ့ နံနက်ပိုင်းမှာ ဖြစ်ပွားခဲ့တာဖြစ်ပြီး အဖွဲ့ဝင်အများအပြား ပိတ်မိခဲ့တာပါ။

အိန္ဒိယလေတပ်နှင့် ဒေသတွင်း သဘာဝဘေးအန္တရာယ်အေဂျင်စီတို့က ဆီးနှင်းများထူထပ်စွာ ကျဆင်းနေတဲ့ ကြားကနေ မိုးမချုပ်ခင်အထိ ရှာဖွေကယ်ဆယ်ရေး လုပ်ငန်းများ လုပ်ဆောင်ခဲ့တာ ဖြစ်ပါတယ်။ လူ ၁၄ ဦးကိုတော့ ပင်လယ်ရေမျက်နှာပြင်အထက် ပေ ၁၆၀၀၀ ဝန်းကျင်ရှိ  နှင်းပြိုကျရာနေရာကနေ  ကယ်ဆယ်နိုင်ခဲ့တယ်လို့ သိရပါတယ်။

ထိခိုက်ဒဏ်ရာရရှိတဲ့ သူများကိုတော့ Uttarkashi ခရိုင်ဆေးရုံမှာ ဆေးကုသမှု ပေးထားတယ်လို့ ဆိုပါတယ်။ အဆိုပါ လေ့လာရေး တောင်တက်ခရီးစဉ်မှာ  သင်တန်းသား ၃၄ ဦး၊ သင်တန်းပို့ချသူ ၇ ဦးနှင့် သူနာပြုအကူတစ်ဦးတို့ ပါဝင်ကြောင်း Nehru တောင်တက်တက္ကသိုလ်မှ ပြောကြားချက်အရ သိရပါတယ်။

သတင်း အရင်းအမြစ်៖ Source - CBS