ကရင်ပြည်နယ် ၊ မြဝတီအာရှလမ်း ၊ ကွမ်းသီးတောလမ်းပိုင်း အဆင်းကွေ့နေရာမှာ ယမန်နေ့ အောက်တိုဘာလ ၅ ရက်နေ့၊ ညနေ ၄ နာရီကျော်အချိန်ခန့်က ဇာတ်သဘင်ကားတစ်စီး တိမ်းမှောက်မှုဖြစ်ခဲ့ပြီး အမျိုးသား ၆ ဦးသေဆုံးကာ ၁၀ ဦးကျော် ဒဏ်ရာပြင်းထန်စွာ ရရှိခဲ့တယ်လို့ သိရပါတယ်။
ဇာတ်သဘင်ကားနာမည်က ပွင့်နေခြည်လို့ သိရပြီး အရှိန်မထိန်းနိုင်တာကြောင့် တိမ်းမှောက်ခဲ့ခြင်းဖြစ်တယ်လို့ သိရပါတယ်။
အဆိုပါ တိမ်းမှောက်ခဲ့သော ဇာတ်သဘင်ယာဉ်ထဲမှာ စုစုပေါင်း လူအယောက် ၂၈ ဦး လိုက်ပါလာခဲ့ပြီး တိမ်းမှောက်မှု ဖြစ်ဖြစ်ချင်းမှာ အမျိုးသား ၅ ဦး နေရာမှာတင် ပွဲချင်းပြီး သေဆုံးသွားခဲ့တယ်လို့ သိရပါတယ်။
အမျိုးသားတစ်ဦးကိုတော့ ဆေးရုံမှာ ပို့ထားချိန်မှာ ကွယ်လွန်သွားခဲ့တာဖြစ်တာကြောင့် သေဆုံးသူ စုစုပေါင်း ၆ ဦးရှိခဲ့ပြီး ဒဏ်ရာရရှိသူ ၁၀ ဦး ရှိသွားခဲ့ပြီလို့ သိရပါတယ်။
လူများစွာ သေဆုံးခဲ့သည့် ဇာတ်သဘင်ကားတိမ်းမှောက်မှုဖြစ်စဉ်အကြောင်းကို စိတ်မကောင်းစွာနဲ့ တင်ဆက်ပေးလိုက်ပါတယ်။