အိန္ဒိယမှာ မင်္ဂလာဆောင်သွားတဲ့ ဘတ်စ်ကား ချောက်ထဲ ပြုတ်ကျပြီး အနည်းဆုံး လူ ၃၁ ဦး သေဆုံး

အိန္ဒိယနိုင်ငံ မြောက်ပိုင်းမှာ မင်္ဂလာဆောင်သွားတဲ့ ဘတ်စ်ကားတစ်စီး လမ်းချော်ကျပြီး ချောက်ထဲထိုးကျမှုကြောင့် အနည်းဆုံး လူ ၃၁ ဦးလောက် သေဆုံးခဲ့ကြောင်း ရဲတပ်ဖွဲ့က အောက်ဆိုဘာ ၅ ရက်နေ့မှာ ပြောကြားခဲ့ပါတယ်။

လူပေါင်း ၅၀ လိုက်ပါလာတဲ့ အဆိုပါ ဘတ်စ်ကားဟာ မင်္ဂလာဆောင်ကို သွားဖို့ Uttarakhand ပြည်နယ်ရှိ သစ္စာမဲ့တောင် အဝေးပြေးလမ်းမကြီးပေါ်မှာမောင်းလာရင်း ကမ်းပါးတစ်ခုအရောက်မှာ ကားဟာ အနည်းဆုံး မီတာ ၅၀၀ လောက်ထိ ချောက်ထဲ ထိုးကျသွားခဲ့တာ ဖြစ်ပါတယ်။

ကယ်ဆယ်ရေးသမားတွေက နက်ရှိုင်းချောက်အတွင်းကနေ ရုပ်အလောင်း ၃၂ လောင်းကို ဆယ်ယူးရရှိခဲ့ပြီး ဒဏ်ရာရှိသူမှာ ၁၉ ဦးရှိခဲ့တယ်လို့ သိရပါတယ်။ အိန္ဒိယနိုင်ငံဟာ ဟိမဝန္တာတောင်တန်းရဲ့ တစ်စိတ်တစ်ပိုင်းကို လွှမ်းခြုံထားသည့် Uttarakhand မှာ ယာဉ်မတော်တဆမှုများ အဖြစ်များပြီး အဲ့ဒီနေရာဟာ ဘာသာရေး ဘုရားဖူးသူ အမြောက်အများလာရောက်ကြတဲ့ နေရာတစ်ခုလည်း ဖြစ်ပါတယ်။

အိန္ဒိယနိုင်ငံဟာ ကမ္ဘာပေါ်ဟာ ယာဉ်အစီးရေ တစ်ရာခိုင်နှုန်းသာရှိပေမယ့် ကမ္ဘာလုံးဆိုင်ရာ ယာဉ်တိုက်မှုကြောင့် သေဆုံးသူဦးရေက ၁၁ ရာခိုင်နှုန်းရှိကြောင်း ပြီးခဲ့သည့်နှစ်က ထုတ်ပြန်ခဲ့သည့် ကမ္ဘာ့ဘဏ်အစီရင်ခံစာအရ သိရပါတယ်။ အလားတူ အစီရင်ခံစာအရ အိန္ဒိယနိုင်ငံတွင် နှစ်စဉ် ကားတိုက်မှုကြောင့် သေဆုံးမှု ၁၅၀,၀၀၀ (သို့မဟုတ်) လေးမိနစ်တိုင်းမှာ လူတစ်ဦး ခန့်ရှိကြောင်း ခန့်မှန်းထားကြပါတယ်။

သတင်း အရင်းအမြစ်៖ Source - CNA