လာမည့်နှစ်တွေမှာ အမေရိကန်မှာ ရောင်းချရန် စီစဉ်ထားတဲ့ ဂျပန်နိုင်ငံထုတ် မိုးပျံဆိုင်ကယ်တစ်စီးကို ကြာသပတေးနေ့က အမေရိကန်မှာ ပြုလုပ်ခဲ့တဲ့ Detroit Auto Show မှာ ပွဲဦးထွက်ပြသခဲ့ပါတယ်။ အဆိုပါ ဆိုင်ကယ်ကို XTURISMO hoverbike လို့ ခေါ်ပြီး AERWINS Technologies ဂျပန်ကုမ္ပဏီက တီထွင်ခဲ့တာဖြစ်ကာ တစ်နာရီလျှင် ၆၂ မိုင် (100 kph) အမြန်နှုန်းအထိ မိနစ် ၄၀ ပျံသန်းနိုင်တယ်လို့ သိရပါတယ်။

ဒီဆိုင်ကယ်တွေကို လက်ရှိ ဂျပန်မှာ ရောင်းချနေဖြစ်ပြီး အမေရိကန်မှာတော့ ပိုမိုသေးငယ်တဲ့ အမျိုးအစားကို ၂၀၂၃ ခုနှစ် စတင်ရောင်းချဖို့ စီစဉ်နေကြောင်း ကုမ္ပဏီအမှုဆောင်အရာရှိချုပ်က ပြောပါတယ်။ ခန့်မှန်းချေဈေးကိုတော့ ဒေါ်လာ ၇၇၇၀၀၀ သတ်မှတ်ထားပြီး ၂၀၂၅ ခုနှစ်လောက်မှာ ပိုသေးငယ်တဲ့ လျှပ်စစ်သုံးအမျိုးအစားကို ဒေါ်လာ ၅၀၀၀၀ လောက်နဲ့ ရောင်းချဖို့ စီစဉ်ထားကြောင့် ထပ်လောင်းပြောကြားခဲ့ပါတယ်။

ယခုလအစောပိုင်းမှာ AERWINS ဟာ သူ့ရဲ့ ဒေါ်လာ သန်း ၆၀၀ တန်ကြေးရှိတဲ့ အထူးဝယ်ယူကုမ္ပဏီတစ်ခုနှင့် ပေါင်းစည်းမှုကနေ တစ်ဆင့် NASDAQ မှာ စာရင်းလုပ်ဖို့ ရှာဖွေနေ‌တယ်လို့ သိရပါတယ်။ အဆိုပါ မိုးပျံဆိုင်ကယ်ဟာ အရေးပေါ်အရပ်ဖက်သုံး ဒါမှမဟုတ် ယာဉ်ကျောပိတ်ဆို့မှုတွေကို ‌လျော့ချပေးနိုင်မယ်လို့ ယူဆမိပါတယ် ။

သတင်း အရင်းအမြစ်៖ Source - Reuters