ဘန်ကောက်မြို့ Dusit ခရိုင်ရှိ Thoddamri လမ်းပေါ်ရှိ တော်ဝင်စစ်တက္ကသိုလ်မှာ စက်တင်ဘာ ၁၄ ရက်နေ့ နံနက် ၈ နာရီ ၄၅ မိနစ်လောက်က တပ်ကြပ်ကြီးဆိုသူရဲ့ ပစ်ခတ်မှုကြောင့် စစ်သား (၂) ဦးသေဆုံးပြီး တစ်ဦး ဒဏ်ရာရခဲ့တယ်လို့ စစ်ဘက်ရေးရာ အရာရှိတွေနဲ့ ရဲအရာရှိတွေက ပြောကြားခဲ့ကြောင်း ဘန်ကောက်ပိုစ့်ရဲ့ ဖော်ပြချက်အရ သိရပါတယ်။

သေဆုံးသူစစ်သားနှစ်ဦးဟာ တပ်ကြပ်ကြီး Nopporat Inthasunthorn နှင့် တပ်ကြပ်ကြီး Prakan Sinsong တို့ဖြစ်ပြီး အပြင်းအထန်ဒဏ်ရာရရှိခဲ့သူက တပ်ကြပ်ကြီး Yongyuth Panyanuwat ဖြစ်တယ်လို့ ဆိုပါတယ်။ ပစ်ခတ်ခဲ့တဲ့ အသက် ၅၈ နှစ်အရွယ် တပ်ကြပ်ကြီး Yongyuth Mangkonkin က ထိုင်းဘုရင့်တပ်မတော် ပညာရေး အဆောက်အအုံအတွင်း လူ ၁၀ ဦးလောက်ကို ပစ်ခတ်ခဲ့တာဖြစ်ပြီး ပစ်ခတ်မှုအပြီးမှာ ထွက်ပြေးဖို့ ကြိုးစားခဲ့ပေမယ့် နံနက် ၁၀ နာရီ ၀န်းကျင်မှာ လက်နက်ချ အဖမ်းခံခဲ့တယ်လို့ ဖော်ပြချက်အရ သိရပါတယ်။

ဘာ‌ကြောင့် ပစ်ခတ်မှုဖြစ်ပွားရတယ်ဆိုတဲ့ အကြောင်းအရင်းကိုတော့ လက်ရှိမှာ စုံစမ်းနေဆဲဖြစ်တယ်လို့ ရဲတပ်ဖွဲ့က ပြောကြားထားပါတယ်။ပစ်ခတ်ခံရသူ ၃ ဦးဟာ ကျူးလွန်သူနဲ့ ရုံးတစ်ရုံးထဲမှာ အလုပ်လုပ်တဲ့ သူတွေ ဖြစ်တယ်လို့ လည်း သိရပါတယ်။ အလားတူ ၂၀၂၀ ခုနှစ်တုန်းကလည်း စစ်သားတစ်ဦးပစ်ခတ်မှုကြောင့် အရပ်သားအပါအဝင် လူ၂၉ ဦးသေဆုံးခဲ့တဲ့ဖြစ်ရပါလည်း ရှိခဲ့ပါသေးတယ်။

သတင်း အရင်းအမြစ်៖ Source - Bangkok post