ဆင်လိပ်ပြာတွေဟာ သာမာန်လိပ်ပြာတွေထက် အဆပေါင်းများစွာကြီးမားတယ်ဆိုတာ သင်တို့ရော ကျွန်တော်ရော သိပြီးသားပါ။ ဒါပေမယ့် ခုလိပ်ပြာကတော့ သင့်လက်ထက် ကြီးနေသလားလို့တောင် မေးသွားရပါမယ်။ ဒါကြောင့်လဲ သင့်ကို ဒီလိပ်ပြာကြီး တွေ့ရှိမှုနဲ့ပတ်သက်ပြီး ဖော်ပြပေးလိုက်ပါတယ်။
၀ါရှင်တန်ပြည်နယ် စိုက်ပျိုးရေးဌာနက ဒေသခံတစ်ယောက်ရဲ့ ကားဂိုဒေါင်မှာ တွေ့ရတဲ့ လိပ်ပြာအကြီးကြီးကို အမေရိကန်ပြည်ထောင်စုမှာ မှတ်တမ်းတင်ထားဖူးတဲ့ ပထမဆုံး Atlas ပိုးဖလံအဖြစ် တွေ့ရှိခဲ့ကြောင်း သိရပါတယ်။ ဝါရှင်တန်တက္ကသိုလ်မှ ပါမောက္ခတစ်ဦးဟာ ကားဂိုဒေါင်ရဲ့ အပြင်ဘက်နံရံမှာ နားနေတဲ့ ပိုးဖလံကြီးကို တွေ့ရှိခဲ့ပြီး ဓာတ်ပုံများကို ပြည်နယ်တာဝန်ရှိသူများက စစ်ဆေးခဲ့ရာ ဒီအင်းဆက်ဟာ ကမ္ဘာ့အကြီးဆုံး မျိုးစိတ်တစ်ခုဖြစ်တဲ့ Atlas ပိုးဖလံဖြစ်ကြောင်း အတည်ပြုခဲ့တယ်လို့ ဌာနက ပြောကြားခဲ့ပါတယ်။
Atlas ပိုးဖလံများဟာ အပူပိုင်းဒေသမှ ဇာတိဖြစ်ပြီး အမေရိကန်ပြည်ထောင်စုမှာ တစ်ခါမှ မှတ်တမ်းမတင်ဖူးပါဘူး။ ယခုအခါ ဝါရှင်တန်ရှိ ပိုးဖလံဟာ လူဦးရေရဲ့ တစ်စိတ်တစ်ပိုင်းဖြစ်မဖြစ် ဆုံးဖြတ်ရန် ကြိုးစားနေကြောင်း သုတေသီများက ပြောခဲ့ပါတယ်။ ဒီလိုမျိုး လိပ်ပြာကြီးကို တွေ့ရှိသူ ဘယ်သူမဆို သူတို့ကို သတင်းပို့ဖို့ တောင်းဆိုနေပါတယ်။ ဆင်လိပ်ပြာကတော့ သင်တို့နဲ့ ရင်းနှီးကြပြီးသားပါ။
သတင်း အရင်းအမြစ်៖ UPI