နိုင်ငံရဲ့ စီးပွားရေးထိုးကျလာမှုနဲ့အတူ ငွေကြေးဖောင်းပွမှုတွေကြောင့် လတ်တလောမှာ ကုန်ဈေးနှုန်း နဲ့အတူ ဒေါ်လာဈေး ၊ ရွှေဈေး ၊ စက်သုံးဆီဈေးများ ဟာ ယခင်ထက် အဆမတန် ပိုမိုများပြားလာသလို ဆီတွေကိုလည်း လိုသလောက် ဝယ်ယူလို့မရတာကြောင့် အတော်လေး အခက်တွေ့နေကြပါတယ်။
နိုင်ငံတစ်ဝန်း မှာ စက်သုံးဆီစျေးနှုန်းမြင့်တက်ပြီး ရှားပါးပြတ်လပ်မှုကိုရင်ဆိုင်နေရသလိုဘဲ ရှမ်းပြည်မြောက်ပိုင်းမှာလည်းအဆိုးရွားဆုံး ရှားပါးမှုဖြစ်နေတယ်လို့ မြို့ဒေသခံတွေကပြောပါတယ်။ လားရှိုးမှာ အနည်းငယ်ဝယ်ရလွယ်ပေမယ့် ကွတ်ခိုင် ၊ မူဆယ်မှာ ဆီပြတ်တဲ့အထိဖြစ်နေတယ်လို့ သိရပါတယ်။
92 နဲ့ 95 ဆီစျေးတွေက ဆီပြတ်လတ်နေသလို ဝယ်ယူလိုသလောက်လည်းမရနိုင်တာကြောင့် စျေးတက်နေပြီး တစ်လီတာကို (၄၅၀၀) ကျော်
အထိ ပေးဝယ်ရတဲ့ အခြေအနေအထိဖြစ်လာတယ်လို့ ပြောပါတယ်။ ဆိုင်ကြီးတချို့မှာအကန့်အသတ်နဲ့ရနေပေမယ့် ဆိုင်သေးတွေမှာတော့ ဆီ လုံးဝ ဝယ်မရတဲ့အထိဖြစ်နေတယ်လို့ သိရပါတယ်။