ကြွက်စုတ်တွေကနေ လူကိုကူးစက်တဲ့ ဗိုင်းရပ်စ်ပိုးတစ်မျိုးကို တရုတ်မှာတွေ့ရှိ

ကြွက်စုတ်များမှ လူသို့ ကူးစက်တယ်လို့ယူဆရတဲ့ ဗိုင်းရပ်စ်အသစ်ကို တရုတ်နိုင်ငံမှာ ရှာဖွေတွေ့ရှိခဲ့တယ်လို့ Daily Star သတင်းမှာ ဖော်ပြလာတာ တွေ့ရပါတယ်။ အဆိုပါ ဗိုင်းရပ်စ်အသစ်ကို Langya လို့အမည်ပေးထားပြီး အသက်ဆုံးရှုံးနိုင်ချေရှိကာ လက်ရှိမှာ လူ ၃၅ ဦး ကူးစက်ခံထားပြီလို့ သိရပါတယ်။

ရောဂါကူးစက်မှုဟာ ရှန်ဒေါင်းနဲ့ ဟီနန်ပြည်နယ်တွေမှာ စတင်ဖြစ်ပွားနေတယ်လို့ ယူဆထားပေမယ့် လူကနေ လူသို့ ကူးစက်ခြင်းမရှိသေးဘူးလို့ ဆိုပါတယ်။ ယခုအချိန်အထိ အဆိုပါကူးစက်ခံထားရတဲ့ လူများထဲမှ တစ်ဦးတစ်ယောက်မျှ အပြင်းဖျားခြင်း (သို့မဟုတ်) သေဆုံးခြင်း မရှိသေးကြောင်း ထိုင်ဝမ်ရောဂါထိန်းချုပ်ရေးစင်တာ (CDC) မှ The Taipei Times ၏ အစီရင်ခံစာအရ သိရပါတယ်။

လက်ရှိမှာ တုပ်ကွေးလိုမျိုး လက္ခဏာဖြစ်ပေါ်နေတဲ့ လူနာပေါင်း ၂၆ ဦးရှိပြီး သူတို့တွေဟာ ပင်ပန်းနွမ်းနယ်ခြင်း၊ ချောင်းဆိုးခြင်း၊ အစားအသောက်ပျက်ခြင်း၊ ကြွက်သားနာကျင်ခြင်း၊ ပျို့အန်ခြင်းနဲ့ ခေါင်းကိုက်ခြင်း ဝေဒနာတွေကို ခံစားရကြောင်းလည်း တွေ့ရှိရပါတယ်။

သတင်း အရင်းအမြစ်៖ Source - Daily Star