ထိုင်းနိုင်ငံ Chon Buri ပြည်နယ်ရှိ နာမည်ကြီး Mountain B ညကလပ်မှာ ယမန်နေ့ညက မီးလောင်မှု ဖြစ်ပွားခဲ့ပြီး လူ ၁၃ ဦး သေဆုံးပြီး ၄၀ ကျော် ဒဏ်ရာရရှိခဲ့ကြောင်း ဒေသတွင်း မီဒီယာများက ဖော်ပြလာခဲ့ပါတယ်။ အဲ့ညက ကလပ်အတွင်းမှာ လူ ၅၀ ကေျာ်ရှိခဲပြီး ရုတ်တရက် မီးထလောင်ရာမှာ အခင်းဖြစ်ပွားရာနေရာကတော့ ထွက်ပြေးဖို့ ကြိုးစားကြပေမယ့် အရှေ့ဘက်မှာ တံခါးတစ်ပေါက်သာ ရှိခဲ့တယ်လို့ ဆိုပါတယ်။

သေဆုံးသူများကတော့ ကလပ်မှ အပြေးအလွှားထွက်ဖို့ကြိုးစားရင်း တံခါးဝမှာ သေဆုံးနေကြတာ ဖြစ်ပါတယ်။ မီးသတ်သမားတွေရဲ့ ထုတ်ပြန်ချက်အရ ကလပ်အတွင်းမှာ မီးလောင်လွယ်ကူတဲ့ ပစ္စည်းတွေ ပါရှိပြီး အဆောက်အဦးကို မီးငြှိမ်းသတ်နိုင်ဖို့ ၂ နာရီကျော် အချိန်ယူခဲ့ရကြောင်း ၊ အခင်းဖြစ်ပွားရာနေရာမှာ လူ ၁၃ ဦးသေဆုံးပြီး အမျိုးသားကိုးဦးနှင့် အမျိုးသမီး လေးဦးနှင့် ဒဏ်ရာရရှိသူ ၄၀ ကျော်ကို အနီးနားရှိ ဆေးရုံများသို့ ပို့ဆောင်ထားကြောင်း ဖော်ပြခဲ့ပါတယ်။

Chon Buri ခရိုင်အုပ်ချုပ်ရေးမှူး Pakkathorn Tienchai က သေဆုံးသူတွေကို လျော်ကြေးငွေ ပေးမယ်လို့ ကြေညာခဲ့ပါတယ်။ ဒဏ်ရာရရှိသူများကို ဘတ်ငွေ ၄၀၀၀၊ မီးဘေးဒုက္ခသည် ၁၃၃၀၀ ဘတ်နှင့် သေဆုံးသူများရဲ့ မိသားစုများကိုိုဘတ်ငွေ ၂၉၇၀၀ ရရှိမည်ဖြစ်ကြောင်း သိရပါတယ်။ ပြီးတော့ အဲ့ကလပ်ဟာ တရားမဝင်ဖွင့်လှစ်ထားတာ‌ ဖြစ်ကြောင်း သိရပါတယ်။

သတင်း အရင်းအမြစ်៖ Source -thaiger