မန္တလေးတိုင်းဒေသကြီး ၊ ပြင်ဦးလွင်မြို့မှာ မိုးသည်ထန်စွာရွာသွန်းမှုကြောင့် ဒီကနေ့ ဇူလိုင်လ ၃၁ ရက်နေ့မှာ ကြုံတောင့်ကြုံခဲ ရေလျှံမှုများ ဖြစ်ပေါ်နေခဲ့ပါတယ်။
ပြင်ဦးလွင်မြို့မှာ ယမန်နေ့ ဇူလိုင်လ ၃၀ ရက်နေ့ကစလို့ မိုးများသည်းထန်စွာရွာသွန်းနေခဲ့ပြီး ဒီကနေ နံနက် ၁၀နာရီ အထိ ဆက်လက်ရွာသွန်းနေခဲ့တာကြောင့် အခုလို ရေကြီး ရေလျှံမှုများ ဖြစ်ပေါ်နေခဲ့တာလို့ သိရပါတယ်။ရေကြီး ရေလျှံမှု မြင်ကွင်း ပုံရိပ်များကို အောက်မှာ ဝင်ရောက် ကြည့်ရှု နိုင်ပါတယ်။
ရေကြီးရေလျှံမှုကြောင့် လက်ရှိအချိန်အထိ ကယ်ဆယ်ရေးလုပ်ငန်းများ ဆောင်ရွက်နေရတယ်လို့ သိရပါတယ်။ပြင်ဦးလွင်မြို့မှာရေကြီးတာဟာ တစ်ခါမှ မကြုံဖူးတဲ့ ဖြစ်ရပ်ကြီး ဖြစ်ပါတယ်။ မြို့ခံပြည်သူများက မြို့ရဲ့ ရေစီးမြောင်းတွေကို ပိတ်ဆို့၊ မြေဖို့ ပြီး နေအိမ် ဆောက်ကြတာကြောင့် အခုလို ရေကြီးရတာ ဖြစ်တယ်လို့ ဝေဖန်ထားကြပါတယ်။
ပြင်ဦးလွင်မြို့ နေရာတော်တော်များများမှာ ရေကြီးရေလျှံမှုဖြစ်ခဲ့တာကြောင့် ပျက်စီးဆုံးရှုံးမှု တန်ဖိုးလည်းတော်တော်လေး များတယ်လို့ သိရပါတယ်။