ရန်ကုန်တိုင်းဒေသကြီး တွင် ယမန်နေ့ ဇူလိုင်(၂၂)ရက်နေ့က CNG ဂတ်စ်ပြတ်တောက်မှုများ ဖြစ်ပွားခဲ့တယ်လို့ ဆိုတာကြောင့် လတ်တလောတွင် YBS ယာဉ်များအနေဖြင့် ဂတ်စ်အခက်အခဲပြဿနာများကြောင့် ယာဉ်အစီးရေ အပြည့်အဝမထွက်နိုင်​တဲ့ ပြဿနာရပ်တွေဖြစ်ပွားကာ ပြည်သူတွေအင်မတန်ဒုက္ခရောက်နေကြရပါတယ်။

သို့ပေမယ့် တကယ်တမ်းကျ ဂတ်စ်ပြတ်တောက်နေတာမဟုတ်ပဲ ဂတ်စ်ပိုက်လိုင်းပေါက်နေတာကြောင့် အခုလို ဂတ်စ် မရတဲ့ ပြဿနာတွေဖြစ်ပွားခဲ့တာဖြစ်တယ်လို့ သိရပါတယ်။ ဂတ်စ်ပိုက်လိုင်းယိုစိမ့်ပေါက်မှုကြောင့် ဂတ်စ်မသန့်တာတွေဖြစ်ပွားနေပြီး YBS တွေမှာ အခက်အခဲကြုံနေရတာဖြစ်တယ်လို့ သိရပါတယ်။

၎င်း ဂတ်စ်ပိုက်လိုင်း ယိုစိမ့်ပေါက်မှု အား ပြင်ဆင်ရန် (၇) ရက်ခန့်ကြာနိုင်ပြီး CNG ဂတ်စ်မသန့်ရှင်းမှုများကြောင့် YBS ကားအခက်အခဲများဟာ ဆက်လက်ဖြစ်ပွားနေမည်ဖြစ်ကြောင်း ၊ ယခုကဲ့သို့ CNG ဂတ်စ်ပိုက်လိုင်းပေါက်မှုအား ပြင်ဆင်မည့်အချိန်ကြာမြင့်ပါက CNG ဂတ်စ် ကားများအနေဖြင့် သွားလာပြေးဆွဲရန်အခက်အခဲရှိနေပြီး လက်ကျန် CNG ဂတ်စ်များပါ ပြတ်တောက်သွားနိုင်ကြောင်း ၊ အကုန်ပြတ်တောက်သွားရင် YBS တွေပါ ခေတ္တ ရပ်နားထားရမည်ဖြစ်ကြောင်း သိရပါတယ်။