ရဟန်းရှင်လူ ပြည်သူ အကုန်လုံးက လေးစားကြည်ညိုရတဲ့ နိုင်ငံတော် ပါမောက္ခချုပ်ဆရာတော်​ ဒေါက်တာ အရှင်နန္ဒမာလာဘိဝံသ ရဲ့ အစ်မအရင်းဖြစ်တဲ့ သီလရှင်ဆရာကြီး ဒေါ်ကဉ္စနာ ဟာ ဆိုရင် သက်တော်အားဖြင့် (၉၅) နှစ်ရှိနေပြီဖြစ်ပါတယ်။

သံဃာတော်တွေအားလုံးကို လိုလေသေးမရှိအောင် ဂရုစိုက်တတ်တဲ့ ဒေါ်ကဉ္စနာ ကို သံဃာတော်တွေအားလုံးက လေးစားကြည်ညိုကြပြီး အရီး လို့ ခေါ်ဆိုကြပါတယ်။ အရီး လို့ ခေါ်ဆိုခံရတဲ့ ဆရာကြီး အဖွား ဒေါ်ကဉ္စနာ ဟာ ဇူလိုင် (၁၇)ရက်နေ့ကတင်ပဲ သက်တော် (၉၅) နှစ်ပြည့်သွားခဲ့တာဖြစ်ပါတယ်။

ဇူလိုင် (၁၇) ရက်နေ့ တနင်္ဂနွေနေ့တွင် ကျရောက်ခဲ့တဲ့ အစ်မတော်ဖြစ်သူ ကဉ္စာနာရာမချောင်ဆရာကြီး (အရီး) အဖွားဒေါ် ကဉ္စာနာ ရဲ့ သက်တော် (၉၅)နှစ်ပြည့် မွေးနေ့ အထိမ်းအမှတ် ကုသိုလ်ပွဲ သို့ ပါမောက္ခချုပ်ဆရာတော်ဘုရားကြီး ဒေါက်တာနန္ဒာမာလာဘိဝံသ ဟာ ကြွရောက်ခဲ့ပါတယ်။ သာသနာပြုနေကြတဲ့ မောင်နှမ နှစ်ယောက်ရဲ့ ပုံရိပ်တွေကို ပရိသတ်ကြီးကြည့်ရှုနိုင်စေရန် ဖော်ပြလိုက်ရပါတယ်။