ထိုင်းနိုင်ငံ ဘန်ကောက်မြို့ကို ရောက်ရှိလာတဲ့ မန်ချက်စတာယူနိုက်တက်အသင်း

နည်းပြ အဲရစ် တန်ဟတ် နှင့် မန်ချက်စတာယူနိုက်တက်အသင်းဟာ ဒီကနေ့ ဇူလိုင်လ(၉)ရက်နေ့ မနက်(၁၁)နာရီမှာ ထိုင်းနိုင်ငံ ဘန်ကောက်မြို့ ဒွန်မောင်းလေဆိပ်ကိုရောက်ရှိလာခဲ့ကြောင်း The Standard မီဒီယာမှာ ဖော်ပြထားတာ တွေ့ရပါတယ်။ မန်ချက်စတာယူနိုက်တက်အသင်းဟာ ဇူလိုင်လ(၁၂)ရက်နေ့၊ ဘန်ကောက်မြို့ ရာဇမင်္ဂလာ ဘောလုံးကွင်းမှာ ပြိုင်ဘက် လီပါပူးအသင်းနဲ့ ခြေစမ်းကစားဖို့ ရောက်ရှိလာခဲ့တာပါ။

ဒါပေမယ့် ထိုင်းကိုရောက်လာတဲ့ မန်ချက်စတာအသင်းမှာ နာမည်ကစားသမားတွေ အားလုံးပါဝင်လာခဲ့ပေမယ့် Cristino Ronaldo ကတော့ လိုက်ပါလာခဲ့ခြင်း မရှိဘူးလို့ဆိုပါတယ်။ Cristino Ronaldo ကတော့ ပြီးခဲ့တဲ့ ရက်ပိုင်းက သူရဲ့ လူမှုကွန်ယက်မှာ ယခုကစားပွဲမှာ သူ့အနေနဲ့ ပါဝင်ကစားမည် မဟုတ်ကြောင်းကိုလည်း ထုတ်ပြန်ထားပါတယ်။

ယခုပွဲမတိုင်ခင် မန်ချက်စတာအသင်းက ဇူလိုင်လ(၁၁)ရက်နေ့မှာ ရာဇမန်ဂလာကွင်းမှာပဲ လေ့ကျင့်ကြမယ်လို့သိရပါတယ်။ ဇူလိုင်လ(၁၂)ရက်နေ့မှာ ယှဥ်ပြိုင်ကစားမယ့် မန်ချက်စတာအသင်း နှင့် လီပါပူးအသင်းတို့ရဲ့ ပွဲစဥ်ရဲ့ ကွင်းဝင်ကြေးကို ဘတ် ၅၀၀၀ မှ ဘတ် ၂၅၀၀၀ အထိ အစားစား ရှိကြောင်း သိရပါတယ်။

သတင်း အရင်းအမြစ်៖ Source - The Standard /The Reportes