ဂျပန်နိုင်ငံ တိုကျိုမှာ နှစ်ပေါင်း ၁၅၀ အတွင်း အပူဆုံး ၃၇ ဒီဂရီစင်တီဂရိတ်ဖြင့် စံချိန်တင်ခဲ့ပြီး ၁၈၇၅ ခုနှစ်နောက်ပိုင်း စံချိန်တင် အမြင့်ဆုံးဖြစ်ခဲ့ပါတယ်။ အခြားမြို့ တော်တော်များများမှာလည်း မေလကုန်မှ လက်ရှိအထိ အပူချိန်အပူချိန် ၄၀ ဒီဂရီလောက် မြင့်တက်ခဲ့ပါတယ်။
လတ်တလော တိုကျိုမှာ လျှပ်စစ်မီးပြတ်တောက်မှာကို စိုးရိမ်နေပါတယ်။ ဘာကြောင့်လဲဆိုတော့ အပူချိန်တက်လာတဲ့အခါ မီးကို အများကြီးသုံးပါတယ်။ အဲ့လိုသုံးခြင်းကြောင့် နိုင်ငံ အရှေ့မြောက်ပိုင်းရှိ အပူစွမ်းအင်သုံး ဓာတ်အားပေးစက်ရုံများ နည်းပညာပိုင်းဆိုင်ရာချို့ယွင်းမှုများဖြစ်လာပြီး အော့ဖ်လိုင်းဖြစ်ပေါ်စေနိုင်လို့ပါ။ အစိုးရကတော့ ပြည်သူတွေကို လျှပ်စစ်ဓာတ်အား ချွေတာသုံးစွဲကြဖို့ တောင်းဆိုခဲ့ပါတယ်။
ဒါ့အပြင် မွန်းတည့်ချိန်တွေမှာဆို နေအိမ် မီးများပိတ်ခိုင်းထားသလို အချို့ ကုမ္ပဏီများကိုလည်း အလုပ်ခဏရပ်နားပြီး မီးများကို ပိတ်ထားဖို့ ပြောဆိုပါတယ်။ အကယ်၍ ဓာတ်အားပြတ်တောက်မှုပြဿနာဖြစ်လာလျှင် ၃ လအထိကြာနိုင်တယ်လို့ ဆိုပါတယ်။ ပြီးခဲ့တဲ့သောကြာနေ့က မြို့ခြောက်မြို့မှာ မကြုံဖူးတဲ့ အပူချိန် ၄၀.၀ ဒီဂရီ ထိရောက်ရှိခဲ့သလို တိုကျိုမြို့မှာ အပူချိန် ၃၇.၀ ဒီဂရီစင်တီဂရိတ်သို့ စံချိန်တင် ရောက်ရှိခဲ့ပါတယ်။
အဆိုပါ အပူချိန်မြင့်မားပှုကြောင့် ဇွန်လအတွင်း မြို့တော်များမှာ သံသယရှိသူ ၁၇ ဦးကို ဆေးရုံသို့ ပို့ဆောင်ခဲ့ပြီး ၁၇ ဦး သေဆုံးခဲ့တယ်လို့ ပြည်တွင်း မီဒီယာများက ဖော်ပြထားပါတယ်။ဒါ့အပြင် စပါးခင်းတွေမှာလည်း ပူပြင်းတဲ့အခြေအနေကြောင့် ရေနေ သတ္တဝါများသေဆုံးနေသလို ကားထဲမှာ Power bank ပေါက်ကွဲပြီးမီးလောင်ကျွမ်းမှုဖြစ်ခဲ့တာတွေပါ ဖော်ပြထားပါတယ်။
သတင်း အရင်းအမြစ်៖ Source - World Forum