ရှမ်းပြည်နယ်(အရှေ့ပိုင်း) တာချီလိတ်မြို့ ၊ ဝိန်းကျောက်ရပ်ကွက်ရှိ ဟိုတယ်တစ်ခုတွင် ဇွန်လ ၁၄ ရက်နေ့က ထိုင်းနိုင်ငံသူတစ်ဦး အား သေဆုံး လျက်တွေ့ရှိခဲ့တယ်လို့ သိရပါတယ်။ သေဆုံးလျက် တွေ့ရှိခဲ့ရတဲ့ ထိုင်းနိုင်ငံသူရဲ့နာမည်က Miss Ployranrasa Worakij Chotikhun ဖြစ်ပြီး အသက် ၃၈ နှစ်အရွယ်ရှိပြီ ဖြစ်တယ်လို့ သိရပါတယ်။
အဆိုပါထိုင်းအမျိုးသမီးက ဟိုတယ်မှာ တရားအဝင် အထောက်အထား မရှိဘဲ တစ်ယောက်တည်း နေထိုင်နေတာဖြစ်တယ်လို့သိရပါတယ်။ သေဆုံးသူ ထိုင်းအမျိုးသမီးအား နေထိုင်ခွင့်ပေးခဲ့တဲ့ ဟိုတယ် မန်နေဂျာကို လဝကဥပဒေပုဒ်မ-၁၃(၅)နဲ့ အမှု ဖွင့်ထားတယ်လို့ သိရပါတယ်။
သေဆုံးသူအမျိုးသမီးရဲ့ သေမှုသေခင်း ဖြစ်စဉ်ကိုတော့ ဆက်လက်စုံစမ်းထားဆဲ ဖြစ်တယ်လို့ သိရှိရပါတယ်။