၂၀၂၁ တစ်နှစ်လုံးမှာ နာမည်ကြီးခဲ့ပြီး ထွက်လာချိန်မှာလည်း ပရိသတ်တွေအကြိုက်တွေ့ခဲ့လို့ အရမ်းအောင်မြင်ပြီး ဝင်ငွေအဝင်အကြမ်းဆုံးရုပ်ရှင်တွေထဲက တစ်ခုဖြစ်ခဲ့တဲ့ Spider-Man:No Way Home ကိုလာမဲ့စက်တင်ဘာလ ၂ ရက်နေ့မှာ ပြန်လည်ရုံတင်ပြသတော့မှာပါ။ဒီတစ်ခေါက်ရုံတင်ပြသမယ့် ဗားရှင်းမှာ အရင်ပါပြီးသားဇာတ်ဝင်ခန်းတွေကို အချိန်ပိုတိုးပေးသွားမယ့်အပြင် ဇာတ်ဝင်ခန်းအသစ်တွေပါ ထပ်ထည့်ပေးသွားမယ်လို့သိရပါတယ်။
You wanted more Spidey and you got it! ??? #SpiderManNoWayHome: The More Fun Stuff Version swings into movie theaters in the US and Canada September 2! More countries to be announced soon! @SpiderManMovie pic.twitter.com/4dyhob9Qt2
— Marvel Entertainment (@Marvel) June 11, 2022
အဲ့ဒီဗားရှင်းကို Marvel က “ပိုပျော်စရာကောင်းတဲ့ဗားရှင်း”လို့အမည်ပေးထားပြီး Spider-Man ရုပ်ပြဇာတ်ကောင်နှစ် ၆၀ ပြည့်အထိမ်းအမှတ်အနေနဲ့ ထုတ်ပေးတာပါ။ဒီနှစ်ဟာ ပထမဆုံး Spider-Man ရုပ်ရှင်ကို တိုဘီမက်ဂွိုင်းယားနဲ့ရိုက်ကူးခဲ့တာ နှစ် ၂၀ ပြည့်ချိန်လည်းဖြစ်ပါတယ်။Spider-Man:No Way Home ဟာဘယ် Spider-Man ရုပ်ရှင်နဲ့မှမတူခဲ့ပါဘူး။
အဓိကကတော့ Spider-Man အဖြစ်သရုပ်ဆောင်ခဲ့ဖူးတဲ့ တိုဘီမက်ဂွိုင်းယား၊အန်ဒရူးဂါဖီနဲ့ တွမ်ဟိုလန်တို့သုံးယောက်စလုံးကို Spider-Man သုံးကောင်အဖြစ်နဲ့ မြင်တွေ့ခဲ့ရတဲ့အပြင် Spider-Man ရဲ့ဗီလိန်ကြီးတွေကိုပါ အများကြီးတွေ့ခဲ့ရတာကြောင့်ပါ။အဲ့လိုဇာတ်ကားမျိုးကိုမှ တကယ့်အထိမ်းအမှတ်အချိန်ကြီးမှာ ဗားရှင်းတစ်ခုနဲ့ထပ်ထုတ်မယ်ဆိုတော့ Spider-Man ပရိသတ်တွေအတွက် ပျော်စရာကြီးပေါ့။
လက်မှတ်တွေကိုတော့ လာမဲ့ ဩဂတ်စ်လ ၉ ရက်နေ့မှာစတင်ရောင်းချမယ်လို့ Marvel ကထုတ်ပြန်ထားပါတယ်။မကြာခင်မှာလည်း နိုင်ငံပေါင်းများစွာမှာ ဘယ်အချိန်ပြသမလဲဆိုတာ ကြေညာမှာပါ။No Way Home ရုံတင်ချိန်တုန်းက ရုပ်ရှင်ရုံမှာမကြည့်လိုက်ရသူတွေအတွက် ဒီတစ်ခေါက်ကရုံမှာပြန်ကြည့်ရဖို့ အခွင့်အရေးဖြစ်လာမှာပါ။
Bong I.T