မကြာသေးမီက လူမှုကွန်ယက်ထက်မှာ စကားအမြန်ပြောပြီး သရက်ကင်ရောင်းတဲ့ ကလေးလေးတစ်ယောက်ရဲ့ Video ဖိုင်က နာမည်ကြီးနေတာကို ပရိသတ်တွေလည်း သတိထားမိမယ်ထင်ပါတယ်။ သူမကတော့ သမန်းကုန်းရွာမှာနေထိုင်ပြီးတော့ အသက် (၁၀) အရွယ်သာရှိသေးတဲ့ မအေးချမ်းမေ ခေါ် ဂျမ်းတောလေးပဲ ဖြစ်ပါတယ်။ ဂျမ်းတောလေးက စိတ်မရှည်တာကြောင့် စကားကိုအမြန်ပြောရင်းကနေ အဲ့လိုအမြန်ပြောတတ်တဲ့ပါရမီကြောင့် လူမှုကွန်ယက်ပေါ်မှာ နာမည်ကြီးလာခဲ့တာပဲ ဖြစ်ပါတယ်။
ဂျမ်းတောလေးမှာ မွေးချင်းမောင်နှမ (၁၀)ယောက်ရှိပြီး မောင်နှမတွေအားလုံးက ဂျမ်းတောလေးက သရက်ကင်ရောင်းရင်းရှာဖွေ ကျွေးနေတာဖြစ်ပါတယ်။ အသက်မပြည့်သေးဘဲ ဝမ်းရေးကို ခက်ခက်ရှာဖွေနေရတဲ့အတွက် ပရိသတ်တွေကလည်း ဂရုဏာသက်နေကြတာပဲ ဖြစ်ပါတယ်။ ဂျမ်းတောလေးရဲ့ အမေဖြစ်သူကလည်း ကျောက်ကပ်ရောဂါနဲ့ မကြာသေးခင်ရက်ပိုင်းလေးကပဲ ကွယ်လွန်သွားခဲ့တာ ဖြစ်ပါတယ်။
ဒီနေ့လေးမှာတော့ ဂျမ်းတောလေးရဲ့ မိခင် နာရေး ရက်လည်ဆွမ်းသွတ် တရားနာကို သူမတို့ရဲ့ နေအိမ်မှာပဲ ပြုလုပ်ခဲ့ကြပါတယ်။ ဂျမ်းတောမလေးခမျာ မိခင်ကိုသတိရလွမ်းဆွတ်မှုတွေကြောင့် ငိုကြွေးခဲ့ရှာပါတယ်။ ဂျမ်းတောလေးရဲ့ မေမေလည်း ကောင်းရာ ဘုံဘဝကိုရောက်ရှိသွားနိုင်ပါစေ ....
Bong I.T