ဒရမ်မာအသစ်မှာပါဝင်သရုပ်ဆောင်မယ့် တကယ့်စုံတွဲလေး Kim Woo Bin နှင့် Shin Min Ah

//s9.kh1.co/a9/a92748d2dad8ef0d7efd931e170f2edf33176bc6.png
ရုပ်ရှင် အညွှန်း

 ၀၉-အောက်-၂၀၂၁ ၉am · လွန်ခဲ့သော ၂ နှစ် က

ဒရမ်မာအသစ်မှာပါဝင်သရုပ်ဆောင်မယ့် တကယ့်စုံတွဲလေး Kim Woo Bin နှင့် Shin Min Ah

ချစ်သူသက်တမ်း ၇ နှစ်ကြာပြီဖြစ်တဲ့ သရုပ်ဆောင် Kim Woo Bin နှင့် Shin Min Ah တို့ဟာ ဒရမ်မာအသစ်မှာ အတူတကွ ပါဝင်သရုပ်ဆောင်ကြတော့မှာပါ။ သူတို့ချစ်သူနှစ်ယောက်ကို ဇာတ်လမ်းတစ်ခုထဲမှာ အတူတူတွဲမြင်ချင်တဲ့ သူလေးတွေက ဒီဇာတ်လမ်းလေးအတွက် အရမ်းကိုရင်ခုန်နေကြပါပြီ။

Photo - Google
Photo - Google

Kim Woo Bin နှင့် Shin Min Ah တို့တွဲနေတာ ၇ နှစ်ကြာသက်တမ်းအကြာမှ အခုလို ဇာတ်လမ်းတစ်ခုထဲမှာ အတူတကွမြင်တွေ့ရတာဖြစ်ပါတယ်။ ဒရမ်မာနာမည်က “Our Blues” ဖြစ်ပြီး ထုတ်လုပ်ရေးကုမ္ပဏီ Studio Dragon က အောက်တိုဘာလ ၇ ရက်နေ့မှာ ပါဝင်မယ့်သရုပ်ဆောင်တွေကို တရားဝင်ကြေညာပေးလိုက်တာဖြစ်ပါတယ်။

Photo - Google
Photo - Google

“Our Blues” ကို ဒါရိုက်တာ Noh Hee Kyung နှင့် Kim Kyu Tae တို့ကပါဝင်ရိုက်ကူးကြမှာဖြစ်ပြီး ဇာတ်လမ်းပုံစံက ကျွန်းကြီးတစ်ခုမှာလာစုကြတဲ့လူတွေအကြောင်းရိုက်ကူးထားတဲ့ Anthology ဒရမ်မာအမျိုးအစားဖြစ်တယ်လို့သိရပါတယ်။

Photo - Google
Photo - Google

ဇာတ်ကောင်တွေအဖြစ် Lee Byung Hun ၊ Shin Min Ah ၊ Cha Seung Won ၊ Kim Woo Bin ၊ Lee Jung Eun ၊ Han Ji Mn နှင့် Uhm Jung Hwa တို့ပါဝင်သရုပ်ဆောင်ကြမှာဖြစ်ပါတယ်။

Photo - Google
Photo - Google

 Lee Byung Hun က Lee Dong Seok နာမည်နဲ့ ဂျယ်ဂျူးကမ်းခြေမှာနေတဲ့ နယ်ခံအဖြစ် ပါဝင်သရုပ်ဆောင်သွားမှာဖြစ်ပြီး Shin Min Ah ကတော့ ဂျယ်ဂျူးကမ်းခြေကို အကြောင်းအရင်း တစ်ခုကြောင့်ရောက်လာတဲ့ Min Sun Ah ဆိုတဲ့ကောင်မလေးအဖြစ်ပါ ဝင်သရုပ်ဆောင်သွားမှာဖြစ်တယ်လို့ သိရပါတယ်။

Photo - Google
Photo - Google

အပြင်ကတကယ့်အတွဲလေးက ဒီထဲမှာလည်း ချစ်သူတွေဖြစ်လာမလားဆိုတာကိုတော့ ဆက်လက်ပြီးစောင့်ကြည့်သွားရမှာဖြစ်ပါတယ်။

Hsu Sandar Aung
Maria Emily Hsu

ဆက်စပ်သတင်း

မူပိုင်ခွင့် Mediaload
Powered by Bong I.T Bong I.T