ရိုက်ကူးမှုတွေစတင်နေပြီဖြစ်တဲ့ “Squid Game 2”..

ကိုးရီးယားရုပ်ရှင်လုပ်ငန်းရဲ့အဆိုအရ “Squid Game 2” ကို ဒီတစ်ပတ်အတွင်းမှာ ရိုက်ကူးမှုတွေ စတင်နေပြီလို့ သိရပါတယ်။ လတ်တလောမှာ ဆိုးလ်နှင့် အင်ချွန်းကြားက လျှို့ဝှက်နေရာတွေမှာ ရိုက်ကူးရေးတွေပြုလုပ်နေပါတယ်။ ခေါင်းဆောင်မင်းသား Lee Jung Jae ဟာ သူ့ရဲ့ပထမဆုံးရိုက်ကူးရေးအပိုင်းကို ပြီးမြောက်သွားပြီလို့လည်း သိရပါတယ်။

ဇွန်လအတွင်း ဇာတ်ညွှန်းပိုင်း အပြီးပြတ်လုပ်ဆောင်ခဲ့ပြီး ယခုလအတွင်းမှာ ရိုက်ကူးမှုတွေစတင်နိုင်ခဲ့တာဖြစ်ပါတယ်။ ကောလဟာလတွေအရ T.O.P ဟာလည်း စီးရီးရဲ့အရေးကြီးတဲ့ အပိုင်းတစ်ခုအဖြစ်ပါဝင်လာမယ်လို့ သိရပါတယ်။ T.O.P ဟာ “Squid Game 2” မှာ ပါဝင်လာမယ်လို့ ကောလဟာလတွေထွက်ပြီးနောက်ပိုင်း ဝေဖန်မှုနှင့် အငြင်းပွားမှုတွေ ဆက်တိုက်ကြုံလာခဲ့သူ တစ်ယောက်ဖြစ်ပါတယ်။

ဘယ်လိုသရုပ်ဆောင်တွေပါဝင်လာသည်ဖြစ်ပါစေ ပထမပိုင်းကထက် ပိုပြီးရင်ခုန်စိတ်လှုပ်ရှားမယ့် ရသမျိုး ရနေနိုင်ဖို့ အရေးကြီးပါတယ်။ ရိုက်ကူးမှုတွေစတင်နေပြီဆိုတော့ နောက်နှစ်အတွင်းထွက်လာနိုင်ဖို့ မျှော်လင့်ရမှာပါ..။ ပထမပိုင်းထက် ပိုကောင်းတဲ့အပိုင်းတစ်ခုဖြစ်မယ်လို့တော့ မျှော်လင့်ထားပါတယ်..။