ရှမ်းပြည်တောင်ပိုင်း တောင်ကြီး - လွိုင်လင် ကားလမ်းမကြီးကို အသုံးပြုပြီး ခရီးသွားလာကြမယ့်သူတွေ သတိထားစေဖို့အတွက် လက်ရှိဖြစ်ပေါ်တဲ့ လမ်းရဲ့ အခြေအနေတွေကိုတာဝန်သိပြည်သူတစ်ယောက်က သတိပေး ဖော်ပြလာတာ တွေ့ရပါတယ်။ ဒါကတော့ တောင်ကြီး - လွိုင်လင် ကားလမ်းမကြီးပေါ်ရှိ မိုင်တိုင် (၁၆၅/၆)အနီး လမ်းဘေးမှာ ခရီးသွားပြည်သူများအတွက် အန္တရယ်ဖြစ်နိုင်တဲ့ မြေကျင်းတစ်ခုဖြစ်ပေါ်နေတာပါ။
မိုးသည်းထန်စွာ ရွာသွန်းမှုကြောင့် ဖြစ်ပေါ်လာတဲ့ အဆိုပါမြေကျင်းဟာ အတော်လေးကိုကြီးတာကြောင့် ခရီးသွားယာဥ်တွေ သတိထားစေဖို့အတွက် ခရီးသွားအချင်းချင်း သတိပေးထားတာရှိခဲ့ပါတယ်။ အဲ့ဒီ မြေကျင်းဖြစ်နေတာဟာ အောက်တိုဘာ (၂၄) ရက်နေ့က တွေ့ရှိခဲ့တာဖြစ်ပြီး ကားကြီးများ ဖြတ်သန်းသွားပါက လမ်းမြေကျွံနိုင်တဲ့အတွက် သက်ဆိုင်ရာတာဝန်ရှိသူများက အလျင်အမြန် ပြုပြင်ပေးဖို့ လိုအပ်ကြောင်းလည်း ပြည်သူများက ရေးသားဖော်ပြထားတာ တွေ့ရပါတယ်။
လက်ရှိမှာ မြေကျွံနိုင်တဲ့အဆိုပါနေရာကို ခရီးသွားယာဥ်တွေ သတိထားသွားလာအောင် ကျောက်ခဲများ၊ သစ်ကိုင်းများဖြင့် တားဆီးထားပြီး အမှတ်အသား ပြုလုပ်ပေးထားကြောင်းလည်း ကြားသိရပါတယ်။ တောင်ကြီး - လွိုင်လင် ကားလမ်းမကြီးဟာ ပြည်သူတွေ ကုန်သွယ်ရေးလမ်းကြောင်းအဖြစ် အသုံးပြုနေတဲ့ လမ်းတွေထဲက တစ်ခုပဲဖြစ်ပါတယ်။ ယခုဖြစ်ပေါ်နေတဲ့ အခြေအနေကို ခရီးယာဥ်များ ဖြတ်သန်း မောင်းနှင်စဥ် လမ်းမြေကျွံနိုင်တဲ့ အန္တရာယ် ဖြစ်ပေါ်နိုင်တဲ့အတွက် သတိပြု မောင်းနှင်စေဖို့ ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - Original Upload