အသက် (၅၇) နှစ်အရွယ် Gregory Jarvis ကို ပြီးခဲ့တဲ့ စက်တင်ဘာ (၁၉) ရက်နေ့တွင် Caseville ရှိကမ်းခြေတစ်ခုတွင် သေဆုံးနေသည်ကို တွေ့ရှိခဲ့ကြောင်း အာဏာပိုင်တွေက ထုတ်ပြန်ခဲ့ပါတယ်။ သေဆုံးသူဟာ ဒေါ်လာလေးသောင်းခွဲတန်ထီဆုကြီးကိုကံထူးခဲ့သူဖြစ်ပြီး ကံထူးခဲ့တဲ့ငွေတွေကို မထုတ်ယူခင်မှာပဲ သေဆုံးသွားခဲ့တာဖြစ်ပါတယ်။ ငွေထုတ်ယူဖို့ကြိုးစားခဲ့ပေမယ့် အကြောင်းအမျိုးမျိုး ကြောင့် မထုတ်ယူနိုင်ခဲ့စဉ်မှာပဲ အခုလိုအဖြစ်ဆိုးကြီးနဲ့ ကြုံတွေ့ခဲ့ရတာဖြစ်ပါတယ်။

သေဆုံးခဲ့တဲ့သူ့ရဲ့ရုပ်အလောင်းနဲ့အတူ သူ့ပိုက်ဆံအိတ်ကိုလည်းတွေ့ရှိခဲ့ပြီး ပိုက်ဆံအိတ်ထဲမှာတော့ သူကံထူးခဲ့တဲ့ဒေါ်လာလေးသောင်းခွဲတန်လက်မှတ်ကိုလည်း တွေ့ရှိခဲ့ကြောင်း အာဏာပိုင်တွေက သတင်းထုတ်ပြန်ခဲ့ပါတယ်။ ဒီဆုငွေကိုထုတ်ယူပြီးရင် မိသားစုနဲ့အတူခရီးတွေသွားဖို့ အစီအစဉ်ချထားခဲ့ပြီး အခုလိုကံထူးခဲ့တာကိုလည်း သူနဲ့သူ့မိသားစုက သိပ်ပျော်နေကြောင်း မိသားစုဝင်တွေရဲ့ပြောပြချက်အရ သိရပါတယ်။ ထီဆုကြီးပေါက်ခဲ့တာကြောင့် အပျော်လွန်ပြီး အရက်သောက်ကာ ကမ်းခြေသွားရာမှ အခုလိုသေဆုံးခဲ့တာဖြစ်ကြောင်း Daily Mail သတင်းရဲ့ဖော်ပြချက်အရသိရပါတယ်။

သူသေဆုံးပြီးနောက် စက်တင်ဘာ (၂၂) ရက်နေ့မှာ သူ့ရဲ့သူဌေးဖြစ်သူဟာ အလုပ်ကိုမရောက်လာတာ ကြောင့် Gregory Jarvis ကို လာရောက်ရှာဖွေခဲ့တယ်လို့လည်း သိရပါတယ်။ ဒီလိုရှာဖွေပြီး (၂) ရက် အကြာမှာတော့ Caseville ရှိကမ်းခြေတစ်ခုမှာ Jarvis ကို သေဆုံးလျက်တွေ့ခဲ့ရတာပဲဖြစ်ပါတယ်။ ဒီဖြစ်စဉ်နဲ့ပတ်သက်ပြီး ရဲအရာရှိ Kyle Romzek က သေဆုံးသူရဲ့အနီးအနားမှာလှေတစ်စီးရှိနေတာ ကြောင့် အရက်မူးကာလှေပေါ်တက်ရင်း ခြေချော်ကျစဉ် လှေနဲ့ရိုက်မိပြီး ရေထဲကျကာ အသက်ဆုံးရှုံးနိုင်ခြေရှိတယ်လို့သုံးသပ်ခဲ့ပါတယ်။

သတင်း အရင်းအမြစ်៖ Daily Mail's FB Acc