အသစ်အဆန်းတွေအများကြီးတစ်ခုပြီးတစ်ခုပေါ်နေတဲ့ ဖက်ရှင်လောကမှာ အသစ်တွေတောင်မှသိပ်မကြာခင်မှရိုးသွားတာမျိုးဖြစ်တတ်ပါတယ်။ ဒါပေမဲ့ ဖက်ရှင်သဘောကျသူတိုင်းသတ်မှတ်ထားတဲ့ ဘယ်တော့မှမရိုးသွားနိုင်တာကတော့ Neutral Color အတွဲအစပ်ဖက်ရှင်တွေပဲဖြစ်ပါတယ်။
အညိုရောင်နှင့်အဖြူရောင်လိုမျိုးကာလာတွေရဲ့တွဲစပ်မှုဟာ ဘယ်တော့မှမမှားနိုင်တဲ့တွဲစပ်မှုဖြစ်ပါတယ်။ ဒါပေမဲ့ အဖြူစွတ်စွတ်ကာလာမျိုးထက် နို့နှစ်ရောင်သန်းနေတဲ့အဖြူမျိုးကပိုပြီးလိုက်ဖက်ပါတယ်။ မိုးပြာရောင်နှင့် ခရင်မ်ရောင်ကာလာတွေကလည်း အတော်လေးလိုက်ဖက်မှုရှိပြီး Classic ဖြစ်တဲ့ကာလာတွေဖြစ်ပါတယ်။
နီညိုရောင်နှင့်အနက်ရောင် အတွဲကလည်း ရိုးရှင်းပြီးအားပြင်းတဲ့ခံစားမှုတွေကိုဖြစ်စေနိုင်တဲ့ဖက်ရှင်ဖြစ်ပါတယ်။ Neutral Colour အတွဲအစပ်တွေအများကြီးရှိသေးပေမဲ့ ပုံမှန်အားဖြင့် ဒီသုံးမျိုးဟာလူငယ်တွေသာမက သက်လတ်ပိုင်းအမျိုးသမီးတွေပါ ပုံမှန်ဝတ်ဆင်နိုင်တယ်လို့ဆိုနိုင်တဲ့အရောင်တွေပဲဖြစ်ပါတယ်။
Bong I.T