Siberian musk သမင်တွေကို အာရှရဲ့ အရှေ့မြောက်တောင်တန်းသစ်တောတွေမှာ အတွေ့များပြီး ဆိုက်ဘေးရီးယား ၊ မွန်ဂိုလီးယား ၊ မန်ချူးရီးယား နဲ့ ကိုရီးယားကျွန်းဆွယ် အချို့မှာလည်း တွေ့ရပါတယ်။ အနက်ရောင် သို့မဟုတ် အညိုရင့်ရောင် အမွေးတို့ ပါရှိပြီး အခြားသမင်တွေလို ဦးချိုမပါတဲ့ သမင်မျိုးစိတ် တစ်မျိုးပဲ ဖြစ်ပါတယ်။ အရွယ်ရောက်ပြီးတဲ့ Siberian musk သမင်တစ်ကောင်ဟာ ၁၀ ကီလိုဂရမ် ရှိပြီး သူတို့ဟာ မျိုးပွားပြီး ၁ နှစ်ကျော်လောက်မှသာ အရွယ်ရောက်ကြပါတယ်။ ပျမ်းမျှ ဘဝသက်တမ်းမှာ ၁၀ နှစ်မှ ၁၄ နှစ်အထိ ရှင်သန်နိုင်ကြပြီး ထူးခြားတဲ့ သွားစွယ်နှစ်ခုကြောင့် ထင်ရှားပါတယ်။
နှုတ်သီးအောက်မှ ထွက်လာတဲ့ သွားစွယ်နှစ်ခုဟာ အန္တာရာယ်မှ ကာကွယ်ဖို့ နဲ့ Siberian musk သမင်အမတွေကို ပိုးပန်းရာမှာ ဆွဲဆောင်ဖို့ အသုံးပြုပါတယ်။ မေလ နဲ့ ဇွန်လအတွင်းမှာ သားပေါက်ကြပြီး တစ်ခါပေါက်ရင် ၁ ကောင် မှ ၃ ကောင် အထိ မွေးဖွားကြပါတယ်။ သီးခြားနေထိုင်လေ့ရှိတဲ့ Siberian musk သမင်တွေဟာ ကြီးမားတဲ့နားရွက် ၊ အမြီးတို နဲ့ ဦးချို မရှိခြင်းတို့ကြောင့် ထင်ရှားပြီး ထူးထူးခြားခြား အခြားသမင်တွေနဲ့ မတူဘဲ သည်းခြေအိတ် ပါရှိပါတယ်။ အရွက်နုများ ၊ အသီးအနှံများ ၊ ငှက်ပျောသီး နဲ့ ပျားရည်စီးပင်တွေကို စားသုံးကြပါတယ်။ လူသူကင်းရှင်းတဲ့ တောနက်ပိုင်းတွေမှာ တိတ်တဆိတ် နေထိုင်တတ်ပြီး Siberian musk သမင်အထီးတွေရဲ့ ဝမ်းဗိုက်အရေပြားက pod မှ ရရှိတဲ့ ဂလင်းဟာ နှလုံး ၊ အာရုံကြော နဲ့ အသက်ရှူလမ်းကြောင်းဆိုင်ရာ ဝေဒနာတွေကို ကုသရာမှာ အသုံးပြုနိုင်ပါတယ်။
အခြားရနံ့တွေနဲ့ မတူတဲ့ ထူးခြားတဲ့ မွှေးရနံ့ကြောင့် သားရဲတိရစ္ဆာန်တွေအကြိုက်ဖြစ်လာပြီး အမြဲတစေ ပုန်းကွယ်ရှောင်ပြေးနေတတ်တဲ့ သနားစရာ သမင်မျိုးစိတ်လေးပဲ ဖြစ်ပါတယ်။ ဒါ့အပြင် ထူးခြားတဲ့ သွားစွယ်တွေကြောင့် သွေးစုတ်ဖုတ်ကောင်သမင်လို့လည်း ခေါ်ကြပါသေးတယ်။ Siberian musk သမင်တွေရဲ့ ဂလင်းဟာ လူသားတို့အတွက် အကျိုးကျေးဇူးများစွာ ရရှိတာကြောင့် အမဲလိုက်မုဆိုးတို့ မျက်စိကျစရာ သတ္တဝါလေးတွေပဲ ဖြစ်ပါတယ်။ သစ်တောပြုန်းတီးမှု ၊ ရာသီဥတုဖောက်ပြားမှု ၊ လူတို့ရဲ့ စည်းကမ်းမဲ့ အမဲလိုက်သတ်ဖြတ်မှုတွေကြောင့် Siberian musk သမင်များစွာ သေဆုံးခဲ့ရပြီး ဆိုက်ဘေးရီးယားမှာ အကောင်ရေ ၂၃၀၀၀၀ ဝန်းကျင်သာ ကျန်တော့တယ်လို့ ဆိုပါတယ်။ ဒါ့ကြောင့် Siberian husky သမင်တွေဟာ စနစ်တကျ ထိန်းသိမ်းစောင့်ရှောက်ရမဲ့ လူတွေအတွက် အကျိုးကျေးဇူးတွေ သယ်ဆောင်ပေးတဲ့ ချစ်စရာ သမင်မျိုးစိတ်တစ်မျိုးပဲ ဖြစ်ပါတယ်။