ထိုင်းနိုင်ငံအရှေ့ဘက် Trat ခရိုင်မှာ အောက်တိုဘာ (၁၂) ရက်နေ့ညက Lion Rock တိုင်ဖွန်း မုန်တိုင်းအရှိန်ကြောင့် မိုးသည်းထန်စွာရွာသွန်းမှုနဲ့အတူ မိုးသက်လေပြင်းများကျရောက်ပြီး ညပိုင်းမှာ ရေကြီးရေလျှံမှု ဖြစ်ပေါ်ခဲ့တာကြောင့် ဟွေ့ခိုက်အုပ်စုရှိ “ ဝမ်လုပ်ဖာ “ ဝက်မွေးမြူရေးခြံတွေ နစ်မြုပ်ခဲ့တယ်လို့ သိရပါတယ်။ အဆိုပါ ဝတ်ခြံမှာ ဝက်အကောင်ရေ (၁၅၆၀) ခန့်လောက် မွေးမြူထားတာ ဖြစ်ပါတယ်။
ဝက်ခြံရေနစ်မြုပ်ခဲ့မှုကြောင့် ဝက်များဟာ ရေနဲ့အတူမျောပါသွားခဲ့ပြီး အကောင်ရေ (၈၀၀) နီးပါးလောက် သေဆုံးကုန်တယ်လို့ သိရပါတယ်။ အောက်တိုဘာလ (၁၃ )ရက်နေ့မှာတော့ ထိုင်းစစ်တပ်နှင့် ကယ်ဆယ်ရေးအဖွဲ့များက ရေပေါ်မှာ မျောပါနေတဲ့ ဝက်တွေကို ကုန်းမြင့်နေရာများသို့ အရေးပေါ်ပြောင်းရွှေ့ပေးခဲ့တဲ့အပြင် သေဆုံးနေတဲ့ ဝက်တွေကိုပါ လိုက်လံ ဆယ်ယူပေးခဲ့ရတယ်လို့ ဆိုပါတယ်။
သေဆုံးသွားတဲ့ ဝက်တွေရဲ့ ဆုံးရှုံးမှုတန်ဖိုးကတော့ ထိုင်းဘတ်(၅) သန်းခန့် ဆုံးရှုံခဲ့ရကြောင်း မွေးမြူရေးခြံပိုင်ရှင်ရဲ့ သားဖြစ်သူကပြောကြားခဲ့ပါတယ်။ ယခုနှစ် ထိုင်းနိုင်ငံရဲ့ ရေကြီးမှုဟာ (၂၀၁၁) ခုနှစ် ရေကြီးမှုထက် ပိုမိုဆိုးရွားခဲ့ပြီး လူ (၁၆) ဦးထက်မနည်း သေဆုံးခဲ့ရသလို လယ်ယာစိုက်ခင်းများနှင့် မွေးမြူးရေးလုပ်ငန်းများလည်း အများအပြားပျက်စီးဆုံးရှုံးခဲ့ရတယ်လို့ သိရပါတယ်။
သတင်း အရင်းအမြစ်៖ Source - Original Upload
Bong I.T