အထပ်မြင့်အဆောက်အဦး(၁)လုံး ပြိုကျခဲ့တဲ့ ထိပ်လန့်စရာ ရုပ်သံဖိုင်တစ်ခုဟာ လတ်တလော လူမှုကွန်ယက်ပေါ်မှာ ပျံ့နှံ့လာတာ တွေ့ရပါတယ်။ ဒီရုပ်သံဖိုင်ကတော့ စတင်ဘာလ (၃၀) ရက်နေ့က အိန္ဒိယနိုင်ငံ၊ Shimla ပြည်နယ်မှာ ပြိုကျခဲ့တဲ့ ဖြစ်စဥ်တစ်ခုပဲ ဖြစ်ပါတယ်။ ရုပ်သံဖိုင်ထဲမှာတော့ တောင်ကမ်းပါးပေါ်မှာ ဆောက်လုပ်ထားတဲ့ အထပ် (၈) ထပ်ပါဝင်တဲ့ အဆောက်အဦး(၁)လုံးဟာ တဖြည်းဖြည်း ယိမ်းယိုင်လာပြီး တောင်အောက်သို့ပြိုကျသွားခဲ့တာ ဖြစ်ပါတယ်။
အဆိုပါ ပြိုကျသွားခဲ့တဲ့ အထပ်မြင့်အဆောက်အဦးထဲမှာတော့ လူပါသွားခြင်းမရှိတာကြောင့် လူသေဆုံးမှုမရှိခဲ့ဘူးလို့ နိုင်ငံသတင်းများက ဖော်ပြထားပါတယ်။ အဆောက်အအုံထဲက ဒေသခံပြည်သူတွေကတော့ ပြိုမကျမီ နာရီအနည်းငယ်လောက်မှာ အက်ကွဲကြောင်းတွေ ပေါ်လာတာကြောင့် အပြင်ကိုအလျင်အမြန် ထွက်ပြေးခဲ့ကြကြောင်း သိရပါတယ်။
Shimla ပြည်နယ်ဟာ တောင်ပေါ်ဒေသဖြစ်ပြီး လူနေအိမ်အများစုကတော့ တောင်ကမ်းပါးတွေထက်မှာ ဆောက်လုပ်ထားကြတာ ဖြစ်ပါတယ်။ စက်တင်ဘာလ (၂၁) ရက်နေ့လောက်ကတည်းက Shimla ပြည်နယ်မှာ ဆိုးရွာစွာ မိုးအဆက်မပြတ် ရွာသွန်းခဲ့ပြီး မြေပြိုကျမှုတွေပါ ဖြစ်ပေါ်ခဲ့ပါတယ်။ အဆောက်အဦးပြိုကျခဲ့တဲ့ ထိပ်လန့်စရာ ရုပ်သံဖိုင်ကိုတော့ ပြန်လည်ကြည့်ရအောင်ဖော်ပြပေးလိုက်ပါတယ်။
သတင်း အရင်းအမြစ်៖ Source - BKD