ကလေးငယ်အပါအဝင် လူ(၈)ဦး သေဆုံးခဲ့တဲ့ အီတလီနိုင်ငံက စိတ်မကောင်းစရာ လေယာဉ်ပျက်ကျမှု

အောက်တိုဘာ (၃)ရက်နေ့က အီတလီနိုင်ငံ မီလန်မြို့ပြင်ရှိ အဆောက်အဦးတစ်လုံးပေါ်သို့ ပုဂ္ဂလိကလေယာဉ်ငယ်တစ်စင်း ပျက်ကျသွားပြီး လူ (၈) ဦး သေဆုံးသွားခဲ့ကြောင်း သိရပါတယ်။ အဆိုပါ Pilatus PC-12 လေယာဉ်ဟာ ပြုပြင်မွမ်းမံနေတဲ့ နှစ်ထပ်အဆောက်အဦးထဲသို့ ပျက်ကျသွားပြီး လေယာဉ်မှူး၊ တွဲဘက်လေယာဉ်မှူး၊ ကလေးငယ်အပါအဝင် ခရီးသည် (၆) ဦး သေဆုံးခဲ့ခြင်းဖြစ်ပါတယ်။

အဆိုပါပျက်ကျမှုဟာ ထိတ်လန့်တုန်လှုပ်ဖွယ် ဖြစ်ကြောင်း San Donato မြို့တော်ဝန် Andrea Checchi က ပြောကြားခဲ့ပြီး သတင်းဖော်ပြချက်များအရ သေဆုံးသူများမှာ ရိုမေးနီးယားလူမျိုး(၃) ဦး၊ ပြင်သစ်လူမျိုး(၂) ဦး၊ ကနေဒါနိုင်ငံသား(၁) ဦး နှင့်အီတလီနိုင်ငံသား(၂) ဦး တို့ဖြစ်ကြောင်း သိရပါတယ်။ ယင်းလေယာဉ်သည် အီတလီ Sardinia ကျွန်းဒေသ Olbia မြို့ရှိ လေဆိပ် နှင့် မီလန်မြို့ Linate လေဆိပ်အကြား ပျံသန်းပြေးဆွဲနေတာ ဖြစ်ပါတယ်။

လေယာဉ်ပျံတက်ပြီး မကြာမီမှာ အခက်အခဲနှင့်ကြုံရကြောင်း လေယာဉ်မှူးက သတင်းပို့ခဲ့တယ်လို့ ဆိုပါတယ်။ မျက်မြင်တွေ့ရှိသူက လေယာဉ်ပျံသန်းနေစဉ်အတွင်း လေယာဉ်အပိုင်းအစတစ်ချို့ ပြုတ်ကျခဲ့ပြီး လေယာဉ်အင်ဂျင် နိမ့်ဆင်းလာစဉ် မီးလောင်ကျွမ်းနေတာကို တွေ့ရှိရကြောင်း နိုင်ငံမီဒီယာများမှာ ဖော်ပြခဲ့ပါတယ်။ မီလန်မြို့ရှိ အစိုးရရှေ့နေ Tiziana Siciliano ကတော့ ယင်းအဖြစ်အပျက်ကို စုံစမ်းစစ်ဆေးလျက်ရှိကြောင်း သိရပါတယ်။

သတင်း အရင်းအမြစ်៖ Source - CGTN