သီလဂုဏ် ၊ သမာဓိဂုဏ်တွေနဲ့ ပြည့်စုံပြီး ဗုဒ္ဓသာသနာတော်ကြီး ရေလိုမီးလို ထွန်းလင်းတောက်ပအောင် လုပ်ဆောင်နေတဲ့ မဟာဗောဓိမြိုင်ဆရာတော်ဘုရားကြီးကို ပရိသတ်တွေ အားလုံးသိမြင်ကြမယ်လို့ ထင်ပါတယ်။ မဟာဗောဓိမြိုင် ဆရာတော်ဘုရားကြီးဟာ စစ်ကိုင်းတိုင်းဒေသကြီး ၊ ကန့်ဘလူမြို့နယ်၊ မြေမွန်ကျေးရွာအုပ်စု၊ ဉေယျဓမ်တောရကျောင်းတွင် သီတင်းသုံးနေထိုင်တာဖြစ်ပါတယ်။
ဆရာတော်ဘုရားကြီးရဲ့ သက်တော်မှာ (၈၀)ကျော်သွားခဲ့ပြီဖြစ်သလို သီလ၊သမာဓိနဲ့ပြည့်စုံနေတာကြောင့် အသွားအပြန်ခြေရာတောင် ထူးထူးခြားခြား တစ်ထပ်တည်းကျတဲ့ကြည်ညိုဖွယ် ဆရာတော်တစ်ပါးပဲ ဖြစ်ပါတယ်။ လက်ရှိ ဝါတွင်းသုံးလပတ်လုံးမှာတော့ ဆရာတော်ဘုရားကြီးဟာ ကျောင်းသင်္ခန်းကနေ ဆွမ်းခံကြွနေတာ ဖြစ်ပါတယ်။ ဆရာတော်ဘုရားကြီး ဆွမ်းခံကြွတဲ့ရက်တွေမှာလည်း အနယ်နယ်အရပ်ရပ်က ဒါယကာ၊ဒါယိကာများနဲ့ သံဃာတော်အပေါင်းက လာရောက်ဖူးမြော်ကြပြီး ဆွမ်းလောင်းလှူကြတာကို တွေ့ရပါတယ်။
ယခုမှာလည်း တပည့်သံဃာတော်တစ်ပါးက မဟာဗောဓိမြိုင် ဆရာတော်ဘုရားကြီးရဲ့ သီတင်းသုံးနေထိုင်တော်မူတဲ့ ကျောင်းသင်္ခန်းကို ဖော်ပြလာတာ တွေ့ရပါတယ်။ ရုပ်ပုံတွေအရ ဆရာတော်ဘုရားကြီးဟာ ဝိနည်းတော်တွေနဲ့ အညီ သီတင်းသုံးနေထိုင်ပြီး ပကာသနတွေမပါတဲ့ ကျောင်းသင်္ခန်းလေးကတော့ သဘာဝဖြစ်တည်မှုတွေကိုသာ ကာရံမိုးထားပြီး ရိုးရှင်းအေးချမ်းနေတာ ဖြစ်ပါတယ်။ ကြည်ညိုဖွယ်ကောင်းတဲ့ မဟာဗောဓိမြိုင်ဆရာတော်ဘုရားကြီးရဲ့ လက်ရှိ သီတင်းသုံးနေထိုင်တော်မူတဲ့ ကျောင်းသင်္ခန်းကို ပရိသတ်တွေလည်း မြင်တွေ့ဖူးအောင် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - အရှင်စန္ဒာသီရီ