စစ်ကောင်စီဟာ မြန်မာနိုင်ငံကို အာဏာထိန်းသိမ်းထားတာ ယခုဆို ရက်ပေါင်း (၂၄၀)ပြည့်သွားပြီဖြစ်ပါတယ်။ပြည်သူလူထုကလည်း အာဏာထိန်းသိမ်းမည့်အကြောင်းကို ကြေငြာပြီးပြီးချင်းမှာပဲ တစ်နိုင်ငံလုံးအတိုင်းအတာနဲ့ ငြိမ်းချမ်းစွာ ဆန္ဒပြခဲ့ကြပါတယ်။
သို့သော် စစ်ကောင်စီဟာ ငြိမ်းချမ်းစွာဆန္ဒပြခဲ့ကြတဲ့ သပိတ်စစ်ကြောင်းများစွာကို မတ်လမှ မေလများအထိ ဆက်တိုက်ဆိုသလိုဖြိုခွင်းခဲ့ကြပါတယ်။ဒါ့ကြောင့်ပြည်သူများဟာ ယခုအခါမှာ ပျောက်ကျားသပိတ်များဖြင့်သာ ငြိမ်းချမ်းစွာဆန္ဒထုတ်ဖော်ခွင့်ရှိပါတော့တယ်။
ယမန်နေ့ စက်တင်ဘာ(၂၇)ရက်နေ့ ညမှာလည်း စစ်ကောင်စီကို နေ့မရွေးညမရွေးတော်လှန်နေကြောင်း မန္တလေးမှ လူငယ်များဟာ (၃၅) လမ်းမကြီးပေါ်ထိချီတက်ဆန္ဒပြခဲ့ကြပါတယ်။
၎င်းသပိတ်စစ်ကြောင်းဟာ အဖမ်းဆီးခံပြည်သူများကိုယ်စားပြုသပိတ်စစ်ကြောင်းဖြစ်တယ်လို့လည်း ဆိုထားပါတယ်။အားလုံးဘေးရန်ကင်းကြပါစေလို့ ဆုတောင်းပေးလိုက်ပါတယ်။