ထိုင်းနိုင်ငံမှာ ယနေ့အချိန်ထိတိုင် တရားမဝင်ခိုးဝင်နေကြတဲ့ မြန်မာလုပ်သားတွေကို နယ်ခြားစောင့်ထိုင်းတပ်သားတွေက ဖမ်းဆီးနေကြတာဖြစ်ပါတယ်။ထိုင်းနိုင်ငံကိုဝင်လို့ရမယ့် နယ်စပ်တွေမှာဆိုရင်လည်း လှည့်ကင်းတွေထားရှိထားပြီး နေ့ရောညပါစောင့်ကြပ်နေတာပဲဖြစ်ပါတယ်။လွန်ခဲ့တဲ့တစ်ရက်ကဆိုရင်လည်း ကန်ကျနဘူရီခရိုင်နယ်စပ်တောလမ်း တစ်နေရာတွင် တရားမဝင်ခိုးဝင်လာတဲ့ မြန်မာ (၉)ယောက်ကို ဖမ်းဆီးခဲ့တာဖြစ်ပါတယ်။
အဲ့ဒီမြန်မာလုပ်သားတွေက ပါထုန်ဌာနီခရိုင်၊စမုဆာခွန်ခရိုင် စတဲ့နေရာတွေမှာ အလုပ်သွားလုပ်ကြဖို့အတွက် လာခဲ့တယ်လို့သိရပါတယ်။တရားမဝင်ခိုးဝင်တဲ့အခါ သူတို့လိုရာခရီးကိုရောက်လျှင် ကုန်ကျစရိတ် ဘတ် (၂၆၀၀၀) ကိုပွဲစားများဆီပေးရသေးတာဖြစ်ပါတယ်။အဖမ်းခံရတဲ့ မြန်မာနိုင်ငံသားတွေက နယ်စပ်ကိုခြေလျင်ဖြတ်ကျော်ခဲ့ကြပြီး နီးစပ်ရာကျေးရွာတွေမှာ ညအိပ်ခဲ့ကြကာ ထိုင်းနိုင်ငံတွင်းကိုဝင်ဖို့ လေးရက်ကြာမြင့်ခဲ့တာဖြစ်ပါတယ်။
နယ်ခြားစောင့်ထိုင်းတပ်သားတွေကလည်း စနေနေ့မှာ မြန်မာနိုင်ငံသား (၁၁)ဦးကို ထပ်မံဖမ်းဆီးမိခဲ့ပြီး Muang ခရိုင်၊Ban Kao ရှိနယ်စပ်ဒေသကို စစ်ဆေးနေချိန် နယ်စပ်အနီးနားက တောအုပ်ထဲတွင် ပုန်းအောင်းနေတဲ့အမျိုးသမီး (၂)ဦးကိုလည်း တွေ့ခဲ့သေးတာဖြစ်ပါတယ်။တာဝန်ရှိသူများက အမျိုးသမီးများကို ကျန်းမာရေးမစစ်ဆေးခင်မှာ အစာနှင့်သောက်ရေများပေးခဲ့တာဖြစ်ပါတယ်။ သူတို့ရဲ့ကျန်းမာရေးအခြေအနေကလည်း ပုံမှန်ပဲဖြစ်တာကြောင့် မြန်မာပြည်ပြန်မပို့ခင်မှာ ရဲများကထိန်းသိမ်းထားကြောင်းကို ပြန်လည်ရေးသားမျှဝေလိုက်ပါတယ်။
Source&Video Credit:Bangkok Post’s Fb page