စစ်ကိုင်းတိုင်း၊ မုံရွာမြို့နယ်အတွင်းရှိ မုံရွေးကျေးရွာနှင့် ကြေးမုံကျေးရွာ (၂ )ခုစလုံးဟာ အာဏာ စတင်ထိန်းချုပ်ခံရတည်းက တက်ကြွစွာ နေ့စဉ်အဆက်မပြတ် လုပ်ဆောင်နေသော ကျေးရွာများဖြစ်ပါတယ်။ထို့ကြောင့် စစ်ကောင်စီ က ယနေ့ စက်တင်ဘာ(၂၇)ရက်နေ့ ၊ နံနက် ၅ နာရီ ၃၀ မိနစ်မှာ ဝိုင်းဝန်းပိတ်ဆို့ပြီး ပြည်သူများကို ပစ်ခတ်ခြင်း၊ ကျေးရွာရှိ ပြည်သူများရဲ့ နေအိမ်များကို မီးတင်ရှို့ရန် လုပ်ဆောင်နေကာ ကျေးရွာသူ ကျေးရွာသားများ ပိတ်မိနေကြောင်း ဒေသခံများက ပြောဆိုခဲ့ကြပါတယ်။
"မုံရွေး ကြေးမုံနှစ်ရွာစလုံးကို လေးဘက် လေးတန်က ဝိုင်းခံထားရပါတယ်။ ဒီမနက် ၅ နာရီ ၃၀ မိနစ် ကတည်းက အပစ်ခံရပါတယ်။ ပြည်သူတွေ ထိခိုက် ကျဆုံးမှု ရှိပါတယ်။ ဖမ်းဆီးခံရတာလည်း ရှိပါတယ်" ဟု ဒေသခံတစ်ဦးကပြောဆိုခဲ့ပါတယ်။
လတ်တလော ပြည်သူတစ်ဦး၏ အလောင်းကို ကျေးရွာလမ်းပေါ်တွင် ရှိနေပြီး ပစ်ခတ်ခံရခြင်းဖြစ်ကြောင်း၊ ယင်းအလောင်းကို စစ်ကားဖြင့် ကျိတ်သွားကြောင်း အခြားကျေးရွာဒေသခံတစ်ဦးက ပြောသည်။
မုံရွေးကြေးမုံ သပိတ်ကော်မတီက ကျေးရွာ ၂ ခုစလုံး ပိတ်ဆို့ အဝိုင်းခံနေရသည့်အတွက် ဘေးပတ် ဝန်းကျင်မှ ရွာများ ဝိုင်းဝန်းထကြွပေးရန် တောင်းဆိုထားသည်။ "တစ်ယောက်သေတာတော့ အတည်ပြုပါတယ်။ နီးစပ်ရာအဖွဲ့အစည်းတွေကိုလည်းကြွပေးဖို့တောင်းဆိုပါတယ်။ အကူအညီတောင်းခံပါတယ် ခင်ဗျာ။ ရွာကို မီးလည်းရှို့နေပါတယ်" ဟုဒေသခံတစ်ဦးက ဆိုလာပါတယ်။ပြည်သူအားလုံးဘေးကင်းကြပါစေလို့ ဆုတောင်းပေးရင်း ဒီသတင်းကိုဖော်ပြလိုက်ရပါတယ်။
Bong I.T