တစ်ချို့နေရာတွေမှာ အခြေအနေ အမျိုးမျိုးကြောင့် တိုက်ပွဲတွေပြင်းထန်လျက်ရှိနေပြီး ပြည်သူတွေ တော်တော်များများကလည်း အသက်ဘေးအန္တရာယ် ကင်းလွတ်ဖို့အတွက် ရှိသမျှတွေကို စွန့်ပစ်ခဲ့ရပြီး တောထဲတောင်ထဲမှာ စစ်ဘေးရှောင်နေကြရဆဲပါ ။ မိုးတွင်းကာလလည်း ဖြစ်တာကြောင့် အခက်အခဲတွေကတော့ အလွန်များပြားလှပါတယ် ။

Photo Credit : Clean Yangon Facebook Page
Photo Credit : Clean Yangon Facebook Page

နေအိမ်ကိုစွန့်ခွာကာ စစ်ဘေးရှောင်နေကြတာကြောင့် အစစအရာရာ ခက်ခဲနေကြပြီး အစားအသောက် နေထိုင်ရေးနဲ့ ကျန်းမာရေးစောင့်ရှောက်မှုတွေကအစ အကူအညီ အများအပြား လိုအပ်နေကြတာလည်း ဖြစ်ပါတယ်။ ပြည်မက ပြည်သူတွေကလည်း လူသားချင်းစာနာစွာ တတ်နိုင်သလောက်တော့ ဝိုင်းဝန်း ကူညီထောက်ပံ့ပေးမှုတွေ ပြုလုပ်ပေးကြတာကို တွေ့ရပါတယ် ။

Photo Credit : Clean Yangon Facebook Page

ဒီလို ကူညီပေးကြပေမယ့်လည်း အဓိက ပြဿနာကတော့ သောက်သုံးရေရှာပါးနေတာပဲဖြစ်ပါတယ် ။ အခုလည်း တောထဲမှာ ရေအိုင်ငယ်လေးထဲက နောက်ကျိနေတဲ့ ရေတွေကို ရေစစ်တောင်မပါဘဲ သောက်သုံးနေရတယ်ဆိုတဲ့ စစ်ရှောင် ပြည်သူတစ်ဦးရဲ့ ဗီဒီယိုလေးကို တွေ့ရပါတယ် ။ ဗီဒီယိုကြည့်ပြီး စစ်မကောင်းဖြစ်ရတာကြောင့် ပရိသတ်ကြီး အတွက် ပြန်လည်ဖော်ပြပေးရင်း အားလုံး အဆင်ပြေကြပါစေ ဆုတောင်းပေးလိုက်ပါတယ် ။

Source & Photo Credit : Clean Yangon Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။