ခင်ပွန်းဖြစ်သူကို သတ်ရုံတင်မကပဲ ခန္ဓာကိုယ်အစိတ်အပိုင်းကိုပါ ဖြတ်တောက်ခဲ့တဲ့ အမျိုးသမီး

Dayane Cristina Rodrigues Machado လို့ခေါ်တဲ့ ဘရာဇီးနိုင်ငံက အမျိုးသမီးတစ်ဦးဟာ ပြီးခဲ့တဲ့ ဇွန်လ ၇ ရက်နေ့က အဖမ်းခံခဲ့ရတယ်လို့ သိရပါတယ်။

Machado အဖမ်းခံခဲ့ရတဲ့အကြောင်းရင်းကတော့ သူမရဲ့ခင်ပွန်းဖြစ်သူကို သတ်ခဲ့တာကြောင့် ဖြစ်ပြီး သူမရဲ့ သွေးအေးအေးနဲ့လုပ်ခဲ့ပုံက နည်းနည်းတော့ ထိတ်လန့်စရာပါပဲ။

Machado ဟာ ခင်ပွန်းဖြစ်သူကို သတ်ရုံတင်မကဘဲ  အမျိုးသားအင်္ဂါကိုပါ ဖြတ်တောက်ပြီး ဆီနဲ့ ဒယ်ဒိုးထဲထည့်ကာ ကြော်ပါကြော်ထားတယ်လို့ သတင်းမှာဖော်ပြထားပါတယ်။

ရဲတွေရောက်လာတဲ့ အချိန်မှာတော့ ခင်ပွန်းဖြစ်သူရဲ့ အလောင်းဟာ အဝတ်အစားကင်းမဲ့နေပြီး ခန္ဓာကိုယ်အစိတ်အပိုင်းတွေလည်း အစုံအလင် မရှိတော့ဘူးလို့ သိရပါတယ်။

သေဆုံးသူအမျိုးသားရဲ့ ညီမဖြစ်သူပြောကြားချက်အရတော့ Machado ဟာ သူ့ကိုလိမ်ထားတဲ့ ခင်ပွန်းဖြစ်သူကို လက်စားချေတဲ့အနေနဲ့ သတ်ခဲ့တာဖြစ်တယ်လို့ သိရပါတယ်။

ဒါပေမယ့် Machado ရဲ့ရှေ့နေကတော့ သူမဟာ ကိုယ့်ကိုကိုယ်ကာကွယ်ရင်းနဲ့ သတ်မိခဲ့တာဖြစ်ကြောင်း ပြောကြားထားပါတယ်။

ဒီအမှုဟာ လက်ရှိမှာ တရားရင်ဆိုင်ဆဲဖြစ်ပြီး ပြစ်ဒဏ်တော့ မချမှတ်ရသေးပါဘူး။

သူမတို့ လင်မယားမှာ အသက် ၈ နှစ်အရွယ် သားလေးတစ်ယောက်နဲ့ အသက် ၅ နှစ်အရွယ် သမီးလေးတစ်ယောက်ရှိတယ်လို့ သိရပြီး မိဘတွေရဲ့ ဒီအဖြစ်အပျက်ကို တွေ့ရတာ ကလေးတွေအတွက်တော့ အိမ်မက်ဆိုးကြီးတစ်ခုလိုပါပဲ။

သတင်း အရင်းအမြစ်៖ The Sun