ပြည်သူလူထုကတော့ အခုအခြေအနေမှာဆိုရင် ရိုင်းပင်းကူညီချင်စိတ်အပြည့်နဲ့ အခက်အခဲတွေကိုမျှဝေခံစားပြီးတတ်နိုင်သလောက်ကူညီဖေးမပေးနေကြတာဖြစ်ပါတယ်။အခုဆိုရင်တော့ လမ်းပေါ်မှာလူတွေခြောက်ကပ်နေကြချိန် သူငယ်ချင်းနှစ်ယောက်တည်းထွက်ပြီး လှုပ်ရှားနေကြတာကြောင့် ဦးဇင်းတစ်ပါးရောက်လာကာ ပါဝင်အားဖြည့်ပေးတာဖြစ်ပါတယ်။ဘုန်းဘုန်းကတော့ လူငယ်လေးနှစ်ယောက်နဲ့အတူ လက်သုံးချောင်းထောင်ပြီးတစ်တပ်တစ်အားကူညီပေးနေတဲ့ပုံက ပီတိဖြစ်စရာကောင်းလှပါတယ်။

Photo By Myanmarload TV
Photo By Myanmarload TV
Photo By Myanmarload TV

နောက်ထပ်လည်း ဆိုင်ကယ်နဲ့ပြည်သူတစ်ယောက်က သူ့ရဲ့ဆိုင်ကယ်ကိုရပ်ကာ “အစ်ကိုလည်းပါဝင်ပေးမယ်”ဆိုပြီး အင်အားဖြည့်ပေးလိုက်တာဖြစ်ပါတယ်။စျေးကပြန်လာတဲ့ဦးလေးကြီးတစ်ယောက်ကတော့ “သားတို့မနက်စာမစားရသေးဘူး ထင်တယ်”ဆိုပြီး သူ့အိမ်အတွက်ဝယ်လာတဲ့ အသီးတွေကို စေတနာအပြည့်နဲ့ပေးသွားခဲ့တာဖြစ်ပါတယ်။လမ်းပေါ်မှာဖြတ်သွားကြတဲ့သူတွေနဲ့ ကားပေါ်ကလူတွေကလည်း လက်သုံးချောင်းထောင်ပြပြီး ပြည်သူတွေနဲ့အတူ တစ်သားတည်းရပ်တည်ပေးကြတာ ဖြစ်ပါတယ်။

Photo By Myanmarload TV
Photo Credit: Original Uploder 

တာဝန်သိပြည်သူတစ်ဦးကတော့ “ညီလေးတို့ မင်းတို့အပါခံလို့မရဘူး”ဆိုပြီး တစ်ခုခုဖြစ်ရင် အဆင်သင့်ဖြစ်အောင်လို့ ဓာတ်ဆီအကုန်ခံကာ သူ့ရဲ့ကားကိုစက်နှိုးထားတာဖြစ်ပါတယ်။ဆိုင်ကယ်နဲ့လူတစ်စုကလည်း လူထုလှုပ်ရှားမှု ပြုလုပ်တာ အဆင်ပြေအောင်လို့ဆိုပြီး ဆိုင်ကယ်တွေနဲ့ ကင်းပတ်ကြည့်ပေးခဲ့တာဖြစ်ပါတယ်။အခုလိုမျိုး ပြည်သူတွေက တက်တက်ကြွကြွနဲ့ ကိုယ်စွမ်းဆောင်နိုင်တဲ့နေရာကနေ ပါဝင်ကူညီပေးနေကြတာဖြစ်ပါတယ်။ကိုယ်တိုင်ကြုံတွေ့ခဲ့ရတဲ့ လူငယ်လေးကတော့ ဒီအဖြစ်အပျက်တွေကို ကြည်နူးပီတိဖြစ်စွာနဲ့ ရေးသားမျှဝေလာခဲ့တာဖြစ်ပါတယ်။

Photo Credit: Original Uploder 
Photo Credit: Original Uploder 
Photo Credit: Original Uploder 

Source&Photo Credit: Original Uploder 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။