၁၉၄၈ ခုနှစ်၊ ဒီဇင်ဘာ ၁၀ ရက်နေ့မှာ ကမ္ဘာ့ကုလသမဂ္ဂအဖွဲ့အစည်းက အပြည်ပြည်ဆိုင်ရာ လူ့အခွင့်အရေး ကြေညာစာတမ်းကို ထုတ်ပြန်ခဲ့ပါတယ်။ အဲဒီအထိမ်းအမှတ်နဲ့ နှစ်စဥ် ဒီဇင်ဘာ ၁၀ ရက်နေ့ကို အပြည်ပြည်ဆိုင်ရာ လူ့အခွင့်အရေးနေ့အဖြစ် သတ်မှတ်ထားပါတယ်။
၂၀၂၁ အာဏာသိမ်းမှု ဖြစ်စဥ်အပြီး မြန်မာနိုင်ငံမှာ လူ့အခွင့်အရေး ချိုးဖောက်ခံရမှုတွေဟာ အရင်ကထက် ပိုများလာခဲ့ပါတယ်။ အမျိုးသားညီညွတ်ရေး အစိုးရကတော့ လူ့အခွင့်အရေးဆိုင်ရာ ဝန်ကြီးဌာနကို ထည့်သွင်းဖွဲ့စည်းထားပြီး အခုခါမှာလည်း ဒီဇင်ဘာ ၁၀ ရက်နေ့ လူ့အခွင့်အရေးနေ့အတွက် ကမ်ပိန်း ပြုလုပ်ထားပါတယ်။
အဆိုပါ ကမ်ပိန်းဟာ "ဆိတ်သုဥ်းနေတဲ့ လူ့အခွင့်အရေး တော်လှန်ရေးနဲ့ သိမ်းပိုက်ကြ" အမည်ရပြီး ဘာသာပေါင်းစုံ အဖွဲ့အစည်းက ငြိမ်းချမ်းရေးနဲ့ လူ့အခွင့်အရေးကို တန်ဖိုးထားတဲ့ ဘာသာရေးခေါင်းဆောင်တွေ နဲ့ လူမျိုးပေါင်းစုံ ပါဝင်လာတာ တွေ့ရပါတယ်။
ခုလို ပြည်သူအများ သွေးစည်းညီညွတ်မှုကို တွေ့ရတာ ကြည်နူးစရာ ကောင်းပါတယ်။ လူ့အခွင့်အရေး ချိုးဖောက်ခံထားရသူများကို ဘယ်လို ကာကွယ်မလဲ၊ နောက်ထပ်ချိုးဖောက်မှုတွေ မရှိအောင် ဘယ်လိုထိန်းသိမ်းမလဲဆိုတာ လူ့အခွင့်အရေးဆိုင်ရာ ဝန်ကြီးဌာနကို စောင့်ကြည့်ရမှာ ဖြစ်ပါတယ်။
Source - Ministry of Human Rights