ယမန်နေ့ ဒီဇင်ဘာ(၅)ရက်နေ့က ရန်ကုန်တိုင်းဒေသကြီး ၊ ကြည့်မြင်တိုင်မြို့နယ် မှာ ဆန္ဒပြပွဲအား ဖြိုခွင်းခံရတဲ့ ဖြစ်စဥ်တစ်ခုဖြစ်ပွားခဲ့ပါတယ်။ထိုဖြစ်စဥ်နဲ့ပတ်သက်၍ ပြည်သူအတော်အများက စိတ်မကောင်းဖြစ်ကာ ပူဆွေးသောကရောက်နေခဲ့ကြတာပဲဖြစ်ပါတယ်။
ထိုဖြစ်စဥ်နဲ့ပတ်သက်ပြီး ကုလသမဂ္ဂရဲ့ မြန်မာနိုင်ငံရုံးက ညှိနှိုင်းဆောင်ရွက်ရေးမှူး Ramanathan Balakrishnan က မနေ့ကပဲ ကြေညာချက် ထုတ်ပြန်လာခဲ့ပါတယ်။ " လွတ်လပ်စွာထုတ်ဖော်ပြောဆိုခွင့်ဟာ အခြေခံ လူ့အခွင့်အရေး ဖြစ်တယ်၊ လက်နက်မဲ့ ပြည်သူတွေအပေါ် အခုလိုအကြမ်းဖက်တဲ့သူတွေကို ဖော်ထုတ်အရေးယူ မှဖြစ်မယ် " လို့လည်း ကြေညာချက်မှာ ဖော်ပြလာခဲ့ပါတယ်။
ရန်ကုန်မြို့မှာရှိတဲ့ အမေရိကန်သံရုံးကလည်း ဆန္ဒပြသူတွေ " ဖြိုခွဲခံရတဲ့သတင်းကြောင့် ထိတ်လန့်တုန်လှုပ်မိတယ်လို့ မနေ့ကပဲ ကြေညာချက် ထုတ်ပြန်ခဲ့ပါတယ်။ မြန်မာစစ်တပ်က ယခုလိုတွေ ကျယ်ကျယ်ပြန့်ပြန့် လုပ်နေတာဟာ အားလုံးပါဝင်တဲ့ ဒီမိုကရေစီလမ်းကြောင်းပေါ် ပြန်ရောက်ဖို့ အရေးတကြီး လိုအပ်နေတယ်ဆိုတာကို မီးမောင်း ထိုးပြနေတယ်။ ဒီမိုကရေစီလိုလားတဲ့ ပြည်သူတွေနဲ့ အမေရိကန်က အတူ ရပ်တည်နေတယ်၊ အကြမ်းဖက်မှုတွေ အဆုံးသတ်ဖို့ တောင်းဆိုတယ် " လို့ အမေရိကန်သံရုံးရဲ့ကြေညာချက်မှာ ဖော်ပြထားပါတယ်။
Bong I.T