မြန်မာ့နွေဦးမှာ ပေါ်ပေါက်လာခဲ့တဲ့ နွေဦးတော်လှန်ရေးကြီးအောင်မြင်ဖို့အတွက် မြန်မာနိုင်ငံမှာရှိတဲ့ ပြည်သူပြည်သားတွေ၊ပြည်ပရောက် မြန်မာပြည်သူပြည်သားတွေဟာ တစ်ထောင့်တစ်နေရာကနေ တတ်နိုင်တဲ့ဘက်ကနေ ပါဝင်အားဖြည့်ပြီး တော်လှန်နေကြတာကို မြင်တွေ့ရမှာပါ။
ဒီတစ်ခေါက်မှာလည်း ဂျပန်ရောက် မြန်မာပြည်သူပြည်သားများက မြန်မာနိုင်ငံရဲ့ နွေဦးတော်လှန်ရေး အထောက်အကူ ပြုဖို့အတွက် အလှူငွေ ကောက်ခံပွဲ ပြုလုပ်ခဲ့တယ်လို့ သိရှိရပါတယ်။
ထိုအလှူငွေ ကောက်ခံပွဲကို နိုဝင်ဘာ ၁၄ ရက်မှာ ပြုလုပ်ခဲ့ပြီး ဂျပန်နိုင်ငံမှာ ရှိတဲ့ CYO - Japan အသင်းသားများနဲ့ တီးတိန်၊တွန်းဇံအဖွဲ့အစည်းများပူးပေါင်းကာ တီးတိန် ၊တွန်းဇံအတွက် အလှူငွေကောက်ခံခဲ့ရာ အလှူငွေ စုစုပေါင်း JPY 417,735 - မြန်မာငွေ သိန်း ၆၀ ကျော်ရရှိခဲ့တယ်လို့ သိရှိရပါတယ်။ကောက်ခံရရှိထားသမျှ အလှူငွေ အားလုံးကို CYO - Japan မှ တီးတိန်၊တွန်းဇံ တာဝန်ခံဆီသို့ လွှဲအပ်ပေးပြီးကြောင်းလည်း သိရှိရပါတယ်။
အလှူငွေ ထည့်ဝင်ပေးကြတဲ့ ဂျပန်ပြည်သူပြည်သားများနဲ့ အလှုငွေကောက်ခံပေးတဲ့ ဂျပန်ရောက်မြန်မာပြည်သူများကိုလည်း အထူးကျေးဇူးတင်ရှိတယ်လို့လည်း ရေးသားထားပါတယ်။