ထိုင်နိုင်ငံ ကျန်ထဘူရီခရိုင်မှာ ယမန်နေ့ညက မိုးသည်းထန်စွာရွာသွန်းမှုကြောင့် အဆိုးရွားဆုံး ရေကြီးရေလျှံမှုတွေ ထပ်မံဖြစ်ပေါ်

ထိုင်းနိုင်ငံ ကျန်ထဘူရီခရိုင်မှာ အောက်တိုဘာလ (၁၂) ရက်နေ့ညက မိုးသည်းထန်စွာရွာသွန်းခြင်းကြောင့် ရေလွှမ်းမိုးမှုများရင်ဆိုင်နေရကြောင့် ထိုင်းသတင်းများက ဖော်ပြလာတာ တွေ့ရပါတယ်။ မိုးအဆက်မပြတ် ရွာသွန်းခဲ့မှုကြောင့် မြစ်ချောင်းများ အဆမတန်လျှံတက်ခဲ့ပြီး အနီးအနားရှိ လူနေအိမ်များ နစ်မြုပ်ခဲ့ကြောင်း သိရပါတယ်။

ရေဘေးသင့်ခဲ့တဲ့ မိသားစုတချို့တွေကို ယမန်နေ့ညကတည်းက ဘေးလွတ်ရာသို့ အရေးပေါ်ကယ်ထုတ်ခဲ့ရပြီး ဒီကနေ့မှာလည်း ရေများဆက်လက်တက်လာတာကြောင့် ကျန်ရှိနေတဲ့ မိသားစုတွေကို ထပ်မံကယ်ထုတ်နေကြောင်း ဖော်ပြထားပါတယ်။ ဖော်ပြလာခဲ့တဲ့ ရုပ်ပုံတွေအရ တချို့နေရာတွေမှာ (၄)ပေးလောက်အထိ ရေမြင့်တက်ခဲ့ပြီး လမ်းမပေါ်တွေက ကားများဟာ ရေထဲမျောပါနေသလို့ လမ်းတံတားများ ကျိုးကျပျက်စီးသွားတာတွေလည်း တွေ့ရပါတယ်။

ထိုင်းနိုင်ငံမှာ ပြီးခဲ့တဲ့ရက်တွေက Lion Rock မုန်တိုင်းကြောင့် ရေလွှမ်းမိုးမှုဒဏ်ကို အကြီးမားဆုံးဖြစ် ယခုထိ ရင်ဆိုင်နေရပြီး လူ (၁၄) ဦးထိလည်း သေဆုံးလာခဲ့ပါတယ်။ ယခုမှာလည်း ထိုင်းမိုးလေဝသက ထုတ်ပြန်ထားရာမှာ Kompasu အမည်ရှိမုန်တိုင်းဟာ တရုတ်ပင်လယ်ကနေ ဦးတည်လာနေတာကြောင့် အောက်တိုဘာ (၁၃/၁၄ )ရက်များမှာ ဗီယက်နမ် ၊ လာအို နဲ့ထိုင်းကို ဝင်ရောက်လာမှာဖြစ်လို့ မိုးရွာသွန်းမှု ပိုမိုများနိုင်ကြောင်း သိရပါတယ်။

သတင်း အရင်းအမြစ်៖ Source - Original Upload