ပါကစ္စတန်နိုင်ငံ Babusar Top နဲ့ Naran ဒေသမှာ အောက်တိုဘာ (၁၀) ရက်နဲ့ (၁၁) ရက်နေ့မှာ ရာသီဥတု ဆိုးရွားမှုဖြစ်ပေါ်ခဲ့ကြောင်း နိုင်ငံသတင်းများက ဖော်ပြလာခဲ့ပါတယ်။ ဒါကတော့ ထိန်လန့်စရာကောင်းတဲ့ မိုးသီးမုန်တိုင်း ကျရောက်ခဲ့တာ ဖြစ်ပါတယ်။ ဆက်မပြတ် ကျရောက်ခဲ့တဲ့ မိုးသီးအရွယ်အစားဟာ (၃)လက်မအထိကြီးမားခဲ့တယ်လို့ ဆိုပါတယ်။
အရွယ်အစားကြီးမားတဲ့ မိုးသီးများကျခဲ့တဲ့အရှိန်ကြောင့် လမ်းမပေါ်မှာ မောင်းနှင်နေတဲ့ ကားများနှင့် လူနေအိမ်အမိုးများ ပျက်စီးထိခိုက်မှုတွေ ကြုံတွေ့နေရပါတယ်။ မိုးသီးမုန်တိုင်း မကျခင်က တစ်နာရီ ၁၂၀ ကီလိုမီတာနှုန်းဖြင့် လေပြင်းများတိုက်ခိုက်ခဲ့သလို မိုးကြိုးမုန်တိုင်းလည်း ဖြစ်ပေါ်စေခဲ့တယ်လို့ သိရပါတယ်။ အဆိုပါဒေသတွေမှာ အနည်းဆုံးအပူချိန်ဟာ (၁၄-၁၅) ဒီဂရီစင်တီဂရိတ်အထိ ကျဆင်းခဲ့ပါတယ်။
မိုးသီးမုန်တိုင်း ကျရောက်ခဲ့တဲ့အချိန်ဟာ မနက်အစောပိုင်းမှာဖြစ်ခဲ့ပြီး ရုပ်သံဖိုင်တွေအရ တကယ့်ကို အားပြင်းခဲ့တဲ့မုန်တိုင်းအဖြစ်ကာ လမ်းပေါ်တွေမှာ မိုးသီးများအဆက်မပြတ် ကျရောက်ခဲ့တာ တွေ့မြင်ရပါတယ်။ယခုလို မိုးသီးမုန်တိုင်းကျရောက်ခြင်းဟာ ပါကစ္စတန်နိုင်ငံအတွင်း ပထမဆုံးကျရောက်တာ မဟုတ်ဘဲ ၁၉၉၇ ခုနှစ်၊ ၂၀၁၅/၁၆ ခုနှစ်တွေမှာလည်း လေပြင်းတိုက်ခိုက်ခြင်း ၊ မိုးသီးမုန်တိုင်းနှင့် နှင်းများအဆမတန်ကျဆင်းခဲ့ခြင်းများ ဖြစ်ပေါ်ခဲ့ပါတယ်။
သတင်း အရင်းအမြစ်៖ Source - WBP