ရန်ကုန်မြို့တွင် ဈေးသက်သာတဲ့ ဆီဆိုင်တွေမှာ ဝယ်ယူနိုင်ဖို့ ကားများ ညအိပ်တန်းစီ စောင့်ဆိုင်းနေကြရ - Myanmarload

ရန်ကုန်မြို့တွင် ဈေးသက်သာတဲ့ ဆီဆိုင်တွေမှာ ဝယ်ယူနိုင်ဖို့ ကားများ ညအိပ်တန်းစီ စောင့်ဆိုင်းနေကြရ

https://s9.kh1.co/06/06e55d46a9046ba779456a7c94d70819e220b48a.jpg
နေ့စဉ်သတင်းများ
 06-Oct-2021 10am · 2 months ago

တန်းစီကြတဲ့ ကားတွေကလည်း များလိုက်တာ …….. (အပြည့်အစုံဖတ်ရန်ပုံကိုနှိပ်ပါ)

မြန်မာနိုင်ငံမှာ စစ်အာဏာသိမ်းပြီးနောက် ၉ လအကြာမှာ စက်သုံးဆီဈေးနှုန်းတွေ နှစ်ဆမြင့်တက် လာတာကြောင့် စက်မှုလုပ်ငန်း လုပ်ကိုင်သူတွေ အရှုံးပေါ်လာသလို ဝယ်လိုသူတွေလည်း တန်းစီစောင့်ဆိုင်း နေရတယ်လို့ သိရပါတယ်။

ယခင်က တစ်လီတာကို (၇၀၀) ကျပ် ဝန်းကျင်မှာပဲရှိတဲ့ စက်သုံးဆီဈေးနှုန်းတွေက အခုဆိုရင် အမျိုးအစားအလိုက် တစ်လီတာကို အနည်းဆုံး (၁၃၇၅) ကျပ်ကနေ အများဆုံး (၁၄၄၅) ကျပ်အထိ ဈေးနှုန်းမြင့်တက်ခဲ့ပါတယ်။

https://s9.kh1.co/__image/w=650,h=316,q=100/be/bec562e0832be89005257f39ea5411e0a79c5a8b.jpg
Photo Credit : PJ

ဗဟိုဘဏ်က ပြင်ပပေါက်ဈေးထက် ဈေး လျှော့နည်းတဲ့ ၁ဒေါ်လာ ၁၇၅၅ကျပ်ဖြင့် စက်သုံးဆီ ရောင်းဝယ်ရေးအသင်း (သို့ ) ဒေါ်လာများရောင်းချပေးခဲ့ရာ အသင်းက ဆိုင်အချို့တွင် ဆီဈေးများ ချပေးခဲ့ပါတယ်။ ဈေးချပေးထားတဲ့ ဆိုင်အချို့မှာ ဝယ်ယူခွင့်ရရေး ရန်ကုန်မှာ ညအိပ်စောင့် တန်းစီကြမှုများလည်း ရှိလာကြပါတယ်။

https://s9.kh1.co/__image/w=650,h=316,q=100/d7/d74b475e71db978418092b6d64a9cc28e0a18714.jpg
Photo Credit : PJ

အောက်တိုဘာ (၅) ရက်နေ့ညက ယာဉ်မောင်းတစ်ဦးက ရန်ကုန်အမှတ် (၃) လမ်းပေါ် ကားများ တန်းစီ စောင့်ဆိုင်းနေမှုကို ပုံတင်ပြီး ဟိုးအရင်ခေတ်ကလို ပြန်တန်းစီရနေပြီဟု ရင်ဖွင့် စကားဆိုထားပါတယ်။

တချို့ကလည်း တက်ဈေးနဲ့ ကားအပြည့်ဆီထည့်မယ်ဆိုရင် ငွေအကုန်အကျများတာကြောင့် တန်းစီပြီး သက်သာတဲ့ဆိုင်က ဝယ်ခဲ့ကြသလိုနာရီအတော်ကြာ စောင့်ဆိုင်းရလွန်းလို့  စောင့်တဲ့အချိန်မှာ ကားဆွဲရင် ငွေပိုရလို့  နောက်ပိုင်း တန်းမစီဖြစ်တော့ဘူးလို့ သိရပါတယ်။

https://s9.kh1.co/__image/w=650,h=316,q=100/85/85d033ab900e427f598c257f5380051b706f1cf6.jpg
Photo Credit : PJ

ရန်ကုန်တိုင်းအတွင်း သက်သာတဲ့ဈေးနှုန်းနဲ့ စက်သုံးဆီရောင်းချပေးသွားမယ့် အရောင်းဆိုင် (၇၈) ဆိုင်၊ မန္တလေးတိုင်းမှာ (၆၅)ဆိုင်၊ နေပြည်တော်မှာ (၉)ဆိုင် ရှိနေတယ်လို့  အောက်တိုဘာ ၁ရက် ကြေညာချက်များအရ သိရပါတယ်။

https://s9.kh1.co/__image/w=622,h=1280,q=100/7d/7d8da89246224553f4013434d14760300db94d8a.jpg
Photo Credit : PJ

အာဏာသိမ်း စစ်ကောင်စီကတော့ စက်သုံးဆီဈေးနှုန်းမြင့်တက်မှုကို ထိန်းချုပ်နိုင်ဖို့အတွက် စီးပွားကူးသန်းဝန်ကြီးဌာနရဲ့ စီစဉ်ပေးမှုနဲ့ စက်သုံးဆီတွေကို ခွဲတမ်းအလိုက် အထူးဈေးနှုန်းနှင့် ရောင်းချပေးသွားမယ်လို့ ဆိုထားပါတယ်။

Source : Yangon Car News

Cherry Nwe Oo
CNO

ဆက်စပ်ဆောင်းပါး