ရေကြီးခဲ့စဉ်က ၈ပေအရွယ်အခန်းကျဉ်းလေး ထဲမှာပိတ်မိနေခဲ့တဲ့ အသက်၈၀အရွယ်အဘွားကို ဘိုးဘွားရိပ်သာသို့ပို့ဆောင်ရန်စီစဉ် - Myanmarload

ရေကြီးခဲ့စဉ်က ၈ပေအရွယ်အခန်းကျဉ်းလေး ထဲမှာပိတ်မိနေခဲ့တဲ့ အသက်၈၀အရွယ်အဘွားကို ဘိုးဘွားရိပ်သာသို့ပို့ဆောင်ရန်စီစဉ်

https://s9.kh1.co/2e/2e2180a36c6e75bbedb8a1dbe0d68f530edbfe4e.jpg
နေ့စဉ်သတင်းများ
 06-Oct-2021 9am · 2 months ago

ရေကြီးခဲ့စဉ်က ၈ပေအရွယ်အခန်းကျဉ်းလေး ထဲမှာပိတ်မိနေခဲ့တဲ့ အသက်၈၀အရွယ်အဘွားကို ဘိုးဘွားရိပ်သာသို့ပို့ဆောင်ရန်စီစဉ်

စက်တင်ဘာလ၂၀ရက်နေ့တုန်းက ရှမ်းပြည်နယ်၊ကျောက်မဲမြို့မှာ ရေကြီးမှုဖြစ်ခဲ့ပါတယ်။ရေကြီးမှုကြောင့်လူအများဒုက္ခရောက်ခဲ့ကြရပြီး အဲဒီအထဲမှာ တစ်ကိုယ်တည်းနေထိုင်နေတဲ့ အသက်၈၀အရွယ် အဘွားဒေါ်သန်းလှိုင်လည်း ပါဝင်ခဲ့ပါတယ်။ အဘွားဒေါ်သန်းလှိုင်ဟာ ကျောင်းဆရာမဟောင်းတစ်ယောက်ဖြစ်ပြီး ရေတွေကြီးလာတုန်းက ၈ပေ အကျယ်လောက်ပဲရှိတဲ့ အခန်းကျဉ်းလေးထဲမှာပိတ်မိနေခဲ့သူပါ။ 

https://s9.kh1.co/__image/w=650,h=367,q=100/12/1231eae1e637755b59ce237fea17e68e9cf172be.jpg
Photo - Local

အဘွားဒေါ်သန်းလှိုင်ကို ကျောက်မဲကြက်ခြေနီအဖွဲ့က ကယ်ဆယ်ခေါ်ဆောင်ထားပြီး လက်ရှိမှာဘိုးဘွားရိပ်သာပို့ဖို့ စီစဉ်နေတယ်လို့သိရပါတယ်။

https://s9.kh1.co/__image/w=650,h=867,q=100/dd/dd2aa2f4c5668991a2e4b91ce8ab2169777ab569.jpg
Photo - Local 

အဘွားနေထိုင်ဖို့ ဆွေမျိုးတွေက အခန်းကျဉ်းလေးတစ်ခုသာ ပေးထားပါတယ်။ အဘွားရဲ့သားသမီးတွေအများစုဟာလည်း ဆုံးပါသွားကြပြီး တချို့ကိုလည်းဆက်သွယ်လို့မရပဲ ဖြစ်နေတယ်လို့သိရပါတယ်။ အဘွားဟာတစ်ယောက်တည်း နေထိုင်နေတဲ့သူ ဖြစ်တာကြောင့် အိမ်ထဲရေဝင်လာချိန်မှာ ဘယ်မှမသွားနိုင်ဘဲ ဘုရားစင်အမြင့်ပေါ်မှာ တတ်ထိုင်နေခဲ့ရတာဖြစ်ပါတယ်။

https://s9.kh1.co/__image/w=650,h=367,q=100/d4/d421a873ac86673fb26d84d334f3a435531bbd5b.jpg
Photo - Local

အဘွားဒေါ်သန်းလှိုင်ဟာ ကျောင်းဆရာမတစ်ယောက်ဖြစ်ခဲ့ပေမယ့် လိုအပ်တဲ့အထောက်အထားအချက်အလတ်တွေ ပျောက်ဆုံးနေတာကြောင့် ပင်စင်ထုတ်ယူလို့မရဘဲ တပည့်ဟောင်းဖြစ်သူ ထောက်ပံ့တာလေးနဲ့ အသက်ဆက်နေရသူဖြစ်ပါတယ်။

https://s9.kh1.co/__image/w=650,h=867,q=100/c1/c1eb5b128adb2cf882dba9d3226eb77d45e1184a.jpg
Photo - Local

အဘွားမှာမြေးတွေရှိပေမယ့် ဆက်သွယ်လို့မရဖြစ်နေပြီး ဆွေမျိုးတွေကလည်း အဘွားကို မခေါ်ထားချင်ဘူးလို့သိရပါတယ်။ အဘွားအိမ် ရေဘေးသင့်တုန်းကလည်း ဘေးပတ်ဝန်းကျင်တွေက ကျောက်မဲကြက်ခြေနီအဖွဲ့ဆီအကြောင်းကြား ပေးတာဖြစ်ပါတယ်။ လက်ရှိမှာတော့ အဘွားကို တာဝန်ယူခေါ်ထားပေးမယ့်သူ မရှိတာကြောင့် ဘိုးဘွားရိပ်သာပို့ပေးဖို့ စီစဉ်နေတယ်လို့သိရပါတယ်။

Source - Shwe Phee Myay 

Hsu Sandar Aung
Maria Emily Hsu

ဆက်စပ်ဆောင်းပါး