လူကူးခုံးကျော်တံတား ပြိုကျမှုကြောင့် မြေသယ်ယာဥ်(၁)စီး ပိမိပြီး လူသေဆုံးမှုပါဖြစ်ပေါ်စေခဲ့တဲ့ ထိုင်းနိုင်ငံကဖြစ်ရပ် - Myanmarload

လူကူးခုံးကျော်တံတား ပြိုကျမှုကြောင့် မြေသယ်ယာဥ်(၁)စီး ပိမိပြီး လူသေဆုံးမှုပါဖြစ်ပေါ်စေခဲ့တဲ့ ထိုင်းနိုင်ငံကဖြစ်ရပ်

https://s9.kh1.co/8b/8b8fec25c41c82e07f3f67f262a36fe719f17b87.jpg
နေ့စဉ်သတင်းများ
 01-Oct-2021 2pm · 2 months ago

.

ထိုင်းနိုင်ငံ ၊ မဲဆောက်မြို့ ထာ့ဆိုင်လွတ်ရပ်ကွက်၊ မြို့ပတ်လမ်းသစ် ၊ဖတ်ထရဝိထယားကျောင်းရှေ့မှာ လူကူးခုံးကျော်တံတားတစ်ခု မြေသယ်ယာဥ်ပေါ်သို့ပြိုကျမှု ဖြစ်ပွားခဲ့ကြောင်း နိုင်ငံသတင်းများက ဖော်ပြလာခဲ့ပါတယ်။ ယင်းဖြစ်စဥ်မှာ စက်တင်ဘာ (၃၀) ရက်၊ မနက် (၁၁)နာရီကျော်လောက်မှာဖြစ်သွားခဲ့ပြီး ခုံးကျော်ကွန်ကရစ်တံတားပြိုကျမှုကြောင့် အောက်မှာရှိတဲ့ မြေသယ်ယာဥ်(၁)စီး ပိမိကာ ယာဥ်ပေါ်လိုက်ပါလာသူ (၂)ယောက်ကတော့ နေရာမှာပဲ သေဆုံးသွားခဲ့ပါတယ်။

https://s9.kh1.co/__image/w=600,h=450,q=100/8f/8f8e601728190108a779c7298b83a5f7b07d9f13.jpg
Photo Credit - One 32
https://s9.kh1.co/__image/w=600,h=450,q=100/03/0337388962f6cc756896aa9186c91ab334ce224b.jpg
Photo Credit - One 32

ဖြစ်စဥ်နဲ့ပတ်သက်ပြီး တိုင်ကြားချက်အရ ချက်ချင်း သွားရောက်ကြည့်ရှုခဲ့တယ်လို့ မဲဆောက်ရဲစခန်းတာဝန်ရှိသူက ပြောပါတယ်။"ကားခေါင်းထဲမှာတော့ သေဆုံးနေတဲ့ ယာဉ်မောင်းသမားနဲ့ ဘေးကထိုင်လိုက်လာတဲ့ အလုပ်သမား (၁) ဦးတို့ကို တွေ့ရပြီး အမည်ကိုတော့ စုံစမ်းဆဲပဲလို့" ရဲတပ်ဖွဲ့ကဆိုထားပါတယ်။ ခုံးကျော်တံတား ပြိုကျရတဲ့အကြောင်းရင်းနဲ့ ပတ်သက်ပြီး ရဲတပ်ဖွဲ့က ဆက်လက်စုံစမ်းနေဆဲလို့လည်း ဖော်ပြထားပါတယ်။

https://s9.kh1.co/__image/w=600,h=450,q=100/35/3580beabc24cb71e30690cd32d1b82de134c4f98.jpg
Photo Credit - One 32
https://s9.kh1.co/__image/w=600,h=450,q=100/a3/a38c0d45e869d0ab4003f31596fced478b339b5d.jpg
Photo Credit - One 32

မျက်မြင်ကိုယ်တွေ့များရဲ့ ပြောဆိုချက်တွေအရ အဆိုပါ ကားသမားတွေက ထိုင်းလူမျိုးတွေဖြစ်ပြီး မြေသယ်လာရာမှ မြေချပြီး ကားနောက်ဘော်ဒီကို ပြန်ချဖို့ မေ့ခဲ့တာကြောင့် ခုံးကျော်တံတားအား အရှိန်ပြင်းပြင်းနဲ့ ဝင်တိုက်ခဲ့တာဟု ပြောဆိုထားကြပါတယ်။ အဆိုပါ တံတားဟာ ညနေညခင်းတွေမှာ အများပြည်သူများက အလှဓာတ်ပုံများ တတ်ရောက် ရိုက်ကူးနေတတ်တဲ့ တံတားတစ်ခုဖြစ်ကြောင်း သိရပါတယ်။

https://s9.kh1.co/__image/w=600,h=450,q=100/00/0064de18e5e20d82d2adb0eb9f659ccce0017953.jpg
Photo Credit - One 32
https://s9.kh1.co/__image/w=600,h=450,q=100/99/99798d790a9d8f5767516a6a5f07e2f8e992e7c3.jpg
Photo Credit - One 32

သတင်းအရင်းအမြစ်Source - One 32

Zin Myo
Zin Myo

ဆက်စပ်ဆောင်းပါး