နွားရောင်းပြန်လာတဲ့သူကို ဓားပြတိုက်ခဲ့တဲ့ လူငယ်တွေအား ညတွင်းချင်း ရွာသားတွေ ဝိုင်းဝန်းဖမ်းဆီးနိုင်ခဲ့တဲ့ ကွတ်ခိုင်မြို့နယ်က ဖြစ်ရပ်လေး

ယခုနှစ်ကာလအတွင်း မြို့နယ်တချို့တွေမှာ နိုင်ငံရေး အခြေအနေဖြစ်ပေါ်နေတာကို အခွင့်ကောင်းယူပြီး ခိုးမှု၊ လုယက်တွေအပြင် စီးပွားရေးလုပ်ငန်းရှင်တချို့ကို ခြိမ်းခြောက်စာတွေပို့ပြီး ငွေတောင်းတာတွေလည်း ပိုမိုရှိလာခဲ့ပါတယ်။ စက်တင်ဘာ (၂၉) ရက်နေ့ကလည်းရှမ်းပြည်နယ်မြောက်ပိုင်း ၊ ကွတ်ခိုင်မြို့နယ်မှာ ဓားမြတိုက်မှုတစ်ခု ဖြစ်ပွားခဲ့ကြောင်း ဒေသခံတစ်ဦးရဲ့ လူမှုကွန်ယက်မှာ ဖော်ပြလာတာ တွေ့ရပါတယ်။

ဓားမြတိုက်သူ (၆)ဦးက (၅)ကိုလည်း မန်ပြိန်းရွာသားများက ညတွင်းချင်း ဝိုင်းဝန်းဖမ်းဆီးနိုင်ခဲ့တယ်လို့ သိရပါတယ်။ အဆိုပါ လူ(၆)ဦးဟာ စက်တင်ဘာ (၂၉) ရက် ည (၇) နာရီလောက်မှာ ကွတ်ခိုင်မြို့ကနေ နွားရောင်းပြီးပြန်လာတဲ့ မန်ပြိန်းရွာခံ တောင်သူ (၂) ယောက်ကို ကွတ်ခိုင် - သိန္ဒီ ကားလမ်း (၃၈) မိုင်နေရာအနီးမှာ သေနတ်နဲ့ ခြိမ်းခြောက်ပြီး နွားရောင်းရတဲ့ ပိုက်ဆံတွေကို ဓားပြတိုက်ခဲ့တာဖြစ်ပါတယ်။

ဓားမြတိုက်ခံရသူ မန်ပြိန်းရွာသား (၂) ဦးက ချက်ချက်း ရွာကိုဖုန်းဆက်အကူအညီ တောင်းခဲတာကြောင့် ရွာသားတွေ ဝိုင်းဝန်းဖမ်းဆီးခဲ့တာ ဖြစ်ပါတယ်။ ဓားပြတိုက်တဲ့အဖွဲ့ ခေါင်းဆောင်(၁)ဦးကတော့ လွှတ်မြောက်သွားကြောင်းလည်း သိရပါတယ်။ ဖမ်းဆီးထားတဲ့ ဓားပြ (၅)ဦးကို ရွာမှာ တစ်ညချုပ်နှောင်ခဲ့ပြီး ယမန်နေ့မနက်က ကွတ်ခိုင်မြို့နယ် ရဲစခန်းကို လွှဲပေးလိုက်ကြောင်းသိရပါတယ်။

သတင်း အရင်းအမြစ်៖ Source - Original Upload