တောင်ကြီးမြို့တွင် စက်သုံးဆီဈေးနှုန်း နှစ်ဆကျော်မြင့်တက်လာသဖြင့် တန်းစီဝယ်ယူနေကြ - Myanmarload

တောင်ကြီးမြို့တွင် စက်သုံးဆီဈေးနှုန်း နှစ်ဆကျော်မြင့်တက်လာသဖြင့် တန်းစီဝယ်ယူနေကြ

https://s9.kh1.co/1e/1e8608b7e65a2833f766b92667a8fa8310615a0f.jpg
နေ့စဉ်သတင်းများ
 30-Sep-2021 3pm · 2 months ago

ဒုက္ခတွေကြီးလိုက်ကြတာနော် .....

မြန်မာနိုင်ငံမှာ စစ်အာဏာသိမ်းပြီးနောက် ၈ လအကြာမှာ  စက်သုံးဆီဈေးနှုန်းတွေ နှစ်ဆ မြင့်တက်လာတာကြောင့် စက်မှုလုပ်ငန်း လုပ်ကိုင်သူတွေ အရှုံးပေါ်လာသလို ဝယ်လိုသူတွေလည်း တန်းစီစောင့်ဆိုင်းနေရတယ်လို့ သိရပါတယ်။

ယခင်က တစ်လီတာကို (၇၀၀) ကျပ် ဝန်းကျင်မှာပဲရှိတဲ့ စက်သုံးဆီဈေးနှုန်းတွေက အခုဆိုရင် အမျိုးအစားအလိုက် တစ်လီတာကို အနည်းဆုံး (၁၃၇၅) ကျပ်ကနေ အများဆုံး (၁၄၄၅) ကျပ်အထိ ဈေးနှုန်းမြင့်တက်ခဲ့ပါတယ်။

https://s9.kh1.co/__image/w=650,h=787,q=100/d6/d6e31fb34f36033cb5cf8dda85337832587107b7.jpg
Photo Credit : Shwe Phee Myay News Agency

စက်တင်ဘာ ၂၉ ရက်နေ့က ရှမ်းပြည်နယ်တောင်ပိုင်း တောင်ကြီးမြို့မှာ စက်သုံးဆီစျေးတွေ အဆမတန် မြှင့်တက်နေပြီး ဝယ်လိုသူတွေလည်း တန်းစီစောင့်ဆိုင်းနေရတယ်လို့ သိရပါတယ်။ တန်းစီပြီး ဝယ်ယူဖို့ စောင့်ဆိုင်းနေသူတွေထဲမှာ အချို့က ဓာတ်ဆီ ပြတ်လပ်မှာကို စိုးရိမ်နေကြပြီး ၊အချို့က ဓာတ်ဆီစျေး ပိုမိုမြှင့်တက်လာမှာကို စိုးရိမ်တဲ့အတွက် တန်းစီဝယ်ယူနေကြတာ ဖြစ်ပါတယ်။

https://s9.kh1.co/__image/w=600,h=430,q=100/31/312ac6e00153c5a31e09c3a1c831a4861c009722.jpg
Photo Credit : Shwe Phee Myay News Agency

တောင်ကြီးမြို့ ရွှေဇင်ယော် (BOC) ဆီပန့်ဆိုင်မှာ မနေ့မှာတော့ လီတာ ၄ သောင်းပဲ ရောင်းချပေးခဲ့တယ်လို့ သိရပါတယ်။ မြို့နယ်အချို့မှာတော့ ဆီပြတ်လပ်တော့မယ်ဆိုတဲ့ ကောလဟာလတွေကြောင့် ဓာတ်ဆီကို လုဝယ်နေရတယ်လို့ သိရပါတယ်။

https://s9.kh1.co/__image/w=650,h=482,q=100/40/403a249d76cdc2df19c518480d55e56abe4d7a8c.jpg
Photo Credit : Shwe Phee Myay News Agency

အာဏာသိမ်း စစ်ကောင်စီကတော့ စက်သုံးဆီဈေးနှုန်းမြင့်တက်မှုကို ထိန်းချုပ်နိုင်ဖို့အတွက် စီးပွားကူးသန်းဝန်ကြီးဌာနရဲ့ စီစဉ်ပေးမှုနဲ့ စက်သုံးဆီတွေကို ခွဲတမ်းအလိုက် အထူးဈေးနှုန်းနှင့် ရောင်းချပေးသွားမယ်လို့ ဆိုထားပါတယ်။

Source : Shwe Phee Myay News Agency

Cherry Nwe Oo
CNO

ဆက်စပ်ဆောင်းပါး