အသံထက်မြန်တဲ့ ဒုံးကျည်သစ်တစ်ခုကို စမ်းသပ်ပစ်လွှတ်မှု အောင်မြင်ခဲ့တဲ့ မြောက်ကိုရီးယား - Myanmarload

အသံထက်မြန်တဲ့ ဒုံးကျည်သစ်တစ်ခုကို စမ်းသပ်ပစ်လွှတ်မှု အောင်မြင်ခဲ့တဲ့ မြောက်ကိုရီးယား

https://s9.kh1.co/7c/7c9483c85794c8841856c1a03f3c7794b50e6767.jpg
နေ့စဉ်သတင်းများ
 29-Sep-2021 4pm · 2 months ago

.

မြောက်ကိုရီးယား ကာကွယ်ရေး သိပ္ပံအကယ်ဒမီကနေ အသစ်တီထွင်ထုတ်လုပ်ထားတဲ့ အသံထက်မြန်တဲ့ ဒုံးကျည်သစ် Hwasong-8 ကို Jagang ပြည်နယ် Ryongrim ကောင်တီ Toyang-ri မှာ စက်တင်ဘာ (၂၈) ရက် နံနက်ပိုင်းက စမ်းသပ်ပစ်လွှတ်မှု ပြုလုပ်ခဲ့ရာ အောင်မြင်ခဲ့ကြောင်း KCNA သတင်းဌာနက ဖော်ပြလာခဲ့ပါတယ်။ ပထမအကြိမ် စမ်းသပ်ပစ်လွှတ်မှုမှာ ကာကွယ်ရေး သိပ္ပံပညာရှင်းများက ၎င်းဒုံးကျည်ရဲ့ လှုပ်ရှားမှုအပိုင်းကို ပျံသန်းထိန်းချုပ်နိုင်မှုနှင့်တည်ငြိမ်မှု၊ ဒုံးကျည်ထိပ်ဖူးရဲ့ လမ်းညွှန်ထိန်းချုပ်နိုင်မှုနှင့် ပျံသန်းနိုင်မှုစတဲ့ နည်းပညာစံချိန်စံညွှန်းများဟာ ရည်မှန်းချက်ကို ပြည့်မီကြောင်း ဆိုထားပါတယ်။

https://s9.kh1.co/__image/w=600,h=343,q=100/11/11bdc51d2be095b7dab90ab2604a3de818f36fb5.jpg
Photo Credit - Original Upload
https://s9.kh1.co/__image/w=600,h=341,q=100/f3/f38c72e4e7fb676fb74ed26defe296837dd18f2d.jpg
Photo Credit - Original Upload

ဒါ့အပြင် အဆိုပါ ဒုံးကျည် သုတေသနပြု တီထွင်ထားတဲ့ စီမံကိန်းဟာ မြောက်ကိုရီးယားရဲ့ ထိပ်တန်း ကာကွယ်ရေးနည်ပညာ အင်အားကို များစွာမြှင့်တင်ရာ မဟာဗျူဟာအရ အရေးပါကြောင်း KCNA က ဖော်ပြထားပါတယ်။ ဒီလက်နက်အား စမ်းသပ်မှုအောင်မြင်တဲ့အတွက် မြောက်ကိုရီးယားနိုင်ငံရဲ့ ကြီးမားတဲ့ အောင်မြင်မှုတစ်ခုဖြစ်ကြောင်း မှတ်ချက်ပေးခဲ့ကြပါတယ်။

https://s9.kh1.co/__image/w=600,h=750,q=100/61/61efaa7b49ec9842fe7e7db63fcb62bec352d915.jpg
Photo Credit - Original Upload
https://s9.kh1.co/__image/w=600,h=539,q=100/11/11d9f217a31959cad227e93da872552305631cb3.jpg
Photo Credit - Original Upload

မြောက်ကိုရီးယား စစ်ဘက်ဆိုင်ရာဟာ စက်တင်ဘာ (၁၅) ရက်နေ့ကလည်း ရထားတင် ပဲထိန်းဒုံးကျည် စမ်းသပ်မှုပစ်လွှတ်မှုအောင်မြင်ခဲ့ရာ သတ်မှတ်ထားတဲ့ အရှေ့ပိုင်းပင်လယ်ပြင် (၈၀၀) ကီလိုမီတာရှိ ပစ်မှတ်များကို အတိအကျ ပစ်ခတ်နိုင်ခဲ့ကြောင်း သိရပါတယ်။ စက်တင်ဘာ (၁၁)ရက်နှင့် (၁၂)ရက်မှာလည်း မြောက်ကိုရီးယား ကာကွယ်ရေးသိပ္ပံအကယ်ဒမီက အသစ်တီထွင်ထားတဲ့ တာဝေးပစ် ခရုဇ်ဒုံးကျည်များကိုလည်း အသီးသီး စမ်းသပ်ပစ်လွှတ်ခဲ့ရာ အောင်မြင်ခဲ့ပါသေးတယ်။

https://s9.kh1.co/__image/w=600,h=577,q=100/f2/f26cf8cf0889b048546e3b59db437d84ec879354.jpg
Photo Credit - Original Upload

သတင်းအရင်းအမြစ်Source - KCNA

Zin Myo
Zin Myo

ဆက်စပ်ဆောင်းပါး