လူငယ်တစ်ယောက်လို ပေါ့ပါးသွက်လက်ပြီး စက်ဘီးတစ်စီးနဲ့ Delivery လိုက်ပို့နေတဲ့ အသက် (၆၈) နှစ်အရွယ်အဘကျော် - Myanmarload

လူငယ်တစ်ယောက်လို ပေါ့ပါးသွက်လက်ပြီး စက်ဘီးတစ်စီးနဲ့ Delivery လိုက်ပို့နေတဲ့ အသက် (၆၈) နှစ်အရွယ်အဘကျော်

https://s9.kh1.co/a1/a1b23ebb5fbe0f954aed1fb746a5356374cf15eb.png
နေ့စဉ်သတင်းများ
 26-Sep-2021 3pm · a month ago

..

လတ်တလောမှာစားဝတ်နေရေးကျပ်တည်းမှုကြောင့် ပြည်သူတော်တော်များများဟာ ရရာအလုပ်နဲ့ အသက်မွေးဝမ်းကျောင်းပြုနေကြရပါတယ်။ တိုင်းပြည်မှာ ငွေကြေးရှားပါးလာတာနဲ့အမျှ ဒုစရိုက်မှုတွေ လည်းပိုမိုများပြားလာခဲ့ပါတယ်။ ဘယ်လိုပဲရှားပါးနေပါစေ ဒုစရိုက်မှုတွေမကျူးလွန်ဘဲ သမာအာဇီဝကျကျငွေရှာနေကြသူတွေလည်းမနည်းမနောပါပဲ။ ဒီထဲမှာတော့ အဘကျော်ဆိုသူ Delivery ပို့တဲ့အဘတစ်ယောက်လည်းပါဝင်လာခဲ့ပါတယ်။ အသက် (၆၈) နှစ်ရှိနေပြီဖြစ်ပြီး စက်ဘီးတစ်စီးနဲ့ မနားမနေ Delivery တွေပို့ပေးတာဟာ အဘကျော်အတွက်တော့ ပျော်စရာတစ်ခုလို ဖြစ်နေခဲ့ပါတယ်။

https://s9.kh1.co/__image/w=650,h=845,q=100/05/059af6ed4e71f641fe52a1349db8173fa584e046.jpg
Photo Credit - Daw Julia's FB Acc

အသက်အရွယ်ကြီးရင့်နေပေမယ့် လူငယ်တစ်ယောက်လို ပေါ့ပါးဖျတ်လတ်ပြီး စက်ဘီးစီးရတာကိုလည်း ဝါသနာပါသလို ပျော်လည်းပျော်ရွှင်တာမို့ Delivery အလုပ်ဟာ အဘကျော်အတွက်တော့ ဝါသနာနဲ့ ဝမ်းစာတစ်ထပ်တည်းကျတဲ့အလုပ်လို့တောင်ဆိုနိုင်ပါတယ်။ အဘကျော်ကို အမြဲတမ်း way တွေ အပ်ပေးတဲ့ Online Shop အမျိုးသမီးဟာလည်း အဘကျော် way များများရပြီးအဆင်ပြေအောင် အမြဲတမ်းစီစဉ်ပေးဖြစ်တဲ့အကြောင်း သူမရဲ့လူမှုကွန်ယက်ကနေတဆင့် ပြောပြလာခဲ့ပါတယ်။

https://s9.kh1.co/__image/w=650,h=935,q=100/12/124d0b0bc380cca49864e17acc0f15de0c031ad0.jpg
Photo Credit - Daw Julia's FB Acc
https://s9.kh1.co/__image/w=471,h=600,q=100/5c/5cc2b9b6f95d9d0a409e7da8ae564217265f9e84.jpg
Photo Credit - Daw Julia's FB Acc

ဒီလိုပြောပြခဲ့ပြီးနောက်မှာတော့ အဘကျော်ကိုလူတွေကပိုသတိထားမိသွားခဲ့ပြီး အဘအတွက် လိုအပ်တာလေးတွေလှူဒါန်းပေးမယ့်သူတွေပေါ်လာသလို အဘကျော်ကို way အပ်ပေးမယ့်သူတွေလည်း ပေါ်လာခဲ့ပါတယ်။ အဘကို way အပ်ချင်တဲ့သူတွေအတွက်လည်း အဘရဲ့ဖုန်းနံပါတ်ဟာ (09792563920) ဖြစ်ကြောင်း ပြောပြပေးခဲ့ပါသေးတယ်။ အခက်အခဲအကျပ်အတည်းတွေဖြစ်နေတဲ့ ကြားထဲက ပြည်သူအချင်းချင်း အခုလိုမေတ္တာ စေတနာထားပြီး ကူညီဖေးမနေတာတွေဟာ ကောင်းမွန်တဲ့အသိုင်းအဝိုင်းတစ်ခုတည်ဆောက်ဖို့ အတွက် လုံလောက်တဲ့အနေအထားတွေပါပဲ။

https://s9.kh1.co/__image/w=650,h=824,q=100/07/076761fc8cc6d84d936bcba912e3fd5ccdb002d9.jpg
Photo Credit - Daw Julia's FB Acc
https://s9.kh1.co/__image/w=650,h=867,q=100/2a/2adb0dc61910911f660db686f90a90bbb8a75994.jpg
Photo Credit - Daw Julia's FB Acc

သတင်းအရင်းအမြစ်Daw Julia's FB Acc

Yee Mon Oo
Candy

ဆက်စပ်ဆောင်းပါး