လက်နက်ကြီးထိမှန်ပြီး နေအိမ်မီးလောင်ပြာကျသွားခဲ့တာကြောင့် ယူကျုံးမရဖြစ်ကာ ငိုကြွေးနေကြတဲ့ ဟားခါးမြို့က ပြည်သူတစ်ဦးရဲ့ ရုပ်သံဖိုင် - Myanmarload

လက်နက်ကြီးထိမှန်ပြီး နေအိမ်မီးလောင်ပြာကျသွားခဲ့တာကြောင့် ယူကျုံးမရဖြစ်ကာ ငိုကြွေးနေကြတဲ့ ဟားခါးမြို့က ပြည်သူတစ်ဦးရဲ့ ရုပ်သံဖိုင်

https://s9.kh1.co/10/10989fb08b087e2ac7032880550ca4da4e300e57.jpg
နေ့စဉ်သတင်းများ
 19-Sep-2021 1pm · a month ago

.

ချင်းပြည်နယ်အတွင်းက မြို့နယ်တွေမှာ အာဏာသိမ်းပြီးတဲ့နောက်ပိုင်း ပြည်သူ.ကာကွယ်ရေးတပ် CDF တွေနဲ့ အာဏာရှင်လက်အောက်ခံ တပ်တွေအကြား ထိတွေတိုက်ပွဲတွေ ဆက်တိုက်ဆိုသလို ဖြစ်ပွားလာခဲ့ပါတယ်။ ယင်းတိုက်ပွဲတွေကြောင့်လည်း စစ်ဘေးရှောင်ပြည်သူတွေကလည်း သိန်းနဲ့ချီရှိလာခဲ့ပါတယ်။ ဒါ့အပြင် အပြစ်မဲ့ပြည်သူတချို့ ထိမှန်သေဆုံးတာတွေလည်း ရှိသလို နေအိမ်တွေလည်း ပျက်စီးဆုံးရှုံးခဲ့ရပါတယ်။

https://s9.kh1.co/__image/w=600,h=450,q=100/1a/1a2ede2e78d8806366a890ef1a8cc2b0c33fd64d.jpg
PhotoCredit - Original Upload
https://s9.kh1.co/__image/w=600,h=800,q=100/31/31b095e7f023ae9ca08527c5793e15a8dd676463.jpg
PhotoCredit - Original Upload

လတ်တလောမှာလည်း အာဏာရှင်တပ်တွေက ချင်းပြည်နယ်အတွင်း အင်အားအလုံးအရင်းနဲ့ ထိုးစစ်ဆင်မှုတွေ ပိုမိုလုပ်ဆောင်လာခဲ့ပြီး တိုက်ပွဲတွေ တစ်ကျော့ပြန်ဖြစ်ပွားလာခဲ့ပါတယ်။ ယမန်နေ့ စတင်ဘာလ (၁၈)ရက် ည (၇)နာရီခွဲလောက်မှာ ဟားခါးမြို့ ချင်းဦးစီးရပ်ကွက် ဘက်က ပစ်ခတ်သံများနဲ့ လက်နက်ကြီးပေါက်ကွဲသံများ ထွက်ပေါ်ခဲ့ပါတယ်။ ဒီလိုပေါက်ကွဲသံများနဲ့အတူ ရပ်ကွပ်ထဲက လူနေအိမ်တချို့ထိမှန်ခဲ့ပြီး မီးကူးစက်လောင်မှုကြောင့် အိမ်(၂)လုံး လောင်ကျွမ်းပျက်စီးသွားခဲ့တဲ့အပြင် ပြည်သူတချို့ပါ ကျည်ထိမှန်ဒဏ်ရာရရှိခဲ့ပါတယ်။

https://s9.kh1.co/__image/w=600,h=482,q=100/7d/7d8046f0da612feaa938570368ef4dde118028f0.jpg
PhotoCredit - Original Upload
https://s9.kh1.co/__image/w=600,h=874,q=100/58/58f013d22cd2d7767e4023ed8e88e0ccc7677db9.jpg
PhotoCredit - Original Upload
https://s9.kh1.co/__image/w=600,h=450,q=100/3b/3b9435c7b039a01968fa009f519a710c8608769e.jpg
PhotoCredit - Original Upload

ယနေ့မနက်ပိုင်းမှာတော့ လက်နက်ကြီး ထိမှန်ပြီး မီးလောင်သွားခဲ့တဲ့ နေအိမ်(၂)လုံးရဲ့ ရုပ်သံဖိုင်တစ်ခုဟာ ပျံ့နှံ့လာခဲ့ပါတယ်။ ရုပ်သံဖိုင်ထဲမှာတော့ မီးလာင်ကျွမ်းမှုကြောင့် နေအိမ်(၂)လုံးဟာ ရစရာမရှိအောင် ပျက်စီးနေပြီး ပြည်သူ(၂)ဦးကတော့ ယူကျုံးမရဖြစ်ကာ ငိုကြွေးနေကြတာ တွေ့ရပါတယ်။ ဒီရုပ်သံဖိုင်ဟာ ပြည်သူတွေကြားမှာ များစွာစိတ်မကောင်းဖြစ်ခဲ့ရတဲ့ မြင်ကွင်းတွေဖြစ်ခဲ့ပါတယ်။ မီးလောင်ပျက်စီးနေတဲ့ နေအိမ်ရဲ့ ရုပ်သံဖိုင်ကိုလည်း ပရိသတ်တွေ ကြည့်ရှုလို့ရအောင် ဖော်ပြပေးလိုက်ပါတယ်။

သတင်းအရင်းအမြစ်Source - Original Upload

Zin Myo
Zin Myo

ဆက်စပ်ဆောင်းပါး