လစ်ဗျားမှာ ရေကြီးကြောင့် လူပေါင်းထောင်နဲ့ချီ သေဆုံးခဲ့ပြီး အသက်ရှင်ကျန်ရစ်သူတွေကို ဆွေမျိုးတွေက အပူတပြင်း ရှာဖွေနေ

လစ်ဗျားနိုင်ငံ ဒါနီမြို့မှာ မုန်တိုင်း ဝင်ရောက် တိုက်ခတ်ပြီး ရေကြီးရေလျှံမှုကြောင့် ပျောက်ဆုံးနေတဲ့ သူတွေကို ဆွေမျိုးသားချင်းတွေနှင့်  ကယ်ဆယ်ရေးသမားတွေက အပူတပြင်း ရှာဖွေခဲ့ကြပါတယ်။ကမ်းရိုးတန်းမြို့ဖြစ်တာကြောင့် ရေလွှမ်းမိုးမှုဒဏ်ကို ဆိုးဆိုးရွားရွားခံစားခဲ့ရပြီး လူပေါင်း ရာနဲ့ချီသေဆုံးခဲ့ရသလို့ ထောင်နဲ့ချီပြီလည်း ပျောက်ဆုံးနေဆဲဖြစ်ပါတယ်။ 

အာဏာပိုင်တွေရဲ့ ထုတ်ပြန်ချက်မှာ လက်ရှိအချိန်ထိ ပျောက်ဆုံးသူ အရေအတွက်မှာ ၁၀,၀၀၀ ရှိတယ်လို့ ဆိုပေမယ့် ကုလသမဂ္ဂ အကူအညီပေးရေး အေဂျင်စီ OCHA ကတော့ ပျောက်ဆုံးနေတဲ့ အရေအတွက်ဟာ အနည်းဆုံး ၅,၀၀၀ ခန့်ရှိနိုင်တယ်လို့ ဆိုပါတယ်။ 

လစ်ဗျားအရှေ့ပိုင်း အုပ်ချုပ်ရေးဆိုင်ရာ အရပ်ဘက်လေကြောင်းဝန်ကြီး Hichem Abu Chkiouat က ယခုအချိန်အထိ သေဆုံးသူ ၅၃၀၀ ကျော်ကို ရှိနေပြီးဖြစ်ကြောင်း ရိုက်တာသတင်းကို ပြောကြားခဲ့ပါတယ်။ ဒါ့အပြင် အရှေ့ပိုင်း အာဏာပိုင်တွေရဲ့ ပြောရေးဆိုခွင့်ရှိသူ Tariq Kharaz က ရုပ်အလောင်း ၃,၂၀၀ ကို လက်ရှိအချိန်ထိ ဆယ်ယူနိုင်ခဲ့ပြီး အဲ့ဒီအထဲက ၁,၁၀၀ ကို ဘယ်သူဘယ်ဝါဆိုတာ ဖော်ထုတ်နိုင်ခြင်း မရှိသေးကြောင်း ပြောကြားခဲ့ပါတယ်။

အဆိုပါ ရေလွှမ်းမိုးမှုကြောင့် ထိခိုက်ပျက်စီးသွားတဲ့ ခရိုင်အရေအတွက်ပေါ်မူတည်ပြီး မြို့တော်မှာ သေဆုံးသူ အရေအတွက်ဟာာ ၁၈,၀၀၀ မှ ၂၀,၀၀၀ အထိ ရှိလာနိုင်တယ်လို့လည်း ခန့်မှန်းထားကြပါတယ်။ 

သတင်း အရင်းအမြစ်៖ Source - CNA