တူညီတဲ့စိတ်ဒဏ်ရာလေးတွေရှိရင်း ချစ်သူတွေ ဖြစ်ခဲ့ကြတယ်ဆိုတဲ့ IU နဲ့ Lee Jong Suk

တောင်ကိုရီးယားနာမည်ကြီး အဆိုတော်ဖြစ်တဲ့ IU နဲ့ မင်းသား Lee Jong Suk တို့ဟာဆိုရင် အရမ်းချစ်ကြတဲ့ သမီးရည်းစားစုံတွဲလေးဖြစ်ပြီး ပရိသတ်တွေရဲ့ အားပေးခြင်းကို များစွာ လက်ခံရရှိနေထားတဲ့ အတွဲလေးဖြစ်ပါတယ် ။ သူတို့နှစ်ဦးမှာ ထူးထူးခြားခြားဆိုသလို စိတ်ဒဏ်ရာလေးတွေလည်း ရှိနေခဲ့ပါတယ်။

IU က သူမဆီမှာ စိတ်ဒဏ်ရာရှိနေတဲ့ဆိုတဲ့အကြောင်းကို ဧပြီလ ၃ ရက်နေ့မှာ ထုတ်ဖော်ပြောကြားခဲ့တာဖြစ်ပါတယ်။ IU က သူမရဲ့ ရင်းနှီးတဲ့ သူငယ်ချင်း Yoo In Na နဲ့ YouTube ပေါ်ကနေ တစ်ဆင့် ရင်းရင်းနှီးနှီး စကားတွေ ပြောခဲ့ပြီး ဖုန်းတစ်ခါပြောရင် အချိန်ဘယ်လောက်ထိ ပြောနိုင်လဲဆိုတဲ့ မေးခွန်းကို ဖြေခဲ့ပါတယ်။ IU က ဖုန်းတစ်ခါပြောရင် အချိန် ၃ မိနစ်ပဲ ပြောနိုင်တယ်လို့ ချက်ချင်းဖြေခဲ့ပြီး ဖုန်းဆက်တာနဲ့ ပက်သက်ပြီး အချိန်အကြာကြီး မပြောနိုင်တဲ့အကြောင်း ဝန်ခံခဲ့ပါတယ်။ IU က သူမရဲ့ မိခင်ကြီးနဲ့ ဖုန်းပြောရင်တောင် အချိန်အကြာကြီး ဖုန်းမပြောနိုင်ဘူးလို့ ဝန်ခံခဲ့ပါတယ်။ တစ်ယောက်ယောက်က သူမကို ဖုန်းခေါ်လာရင်လည်း မသက်မသာ ဖြစ်မိတယ်လို့ ဆိုပါတယ်။ IU က သူမရဲ့ မန်နေဂျာနဲ့ ရှိနေတဲ့ အချိန်မှာပဲ စိတ်သက်သာရာရတယ်လို့လည်း ဝန်ခံခဲ့ပါတယ်။

IU ရဲ့ ကောင်လေး Lee Jong Suk ဟာဆိုရင်လည်း စိတ်ဒဏ်ရာ ရှိထားတဲ့ သူဖြစ်ပါတယ်။ Lee Jong Suk က လူကြောက်ပြီး လူတွေ စောင့်ကြည့်တာခံရရင် စိတ်မသက်မသာဖြစ်ပြီး ချွေးတွေ ပြန်လာတယ်လို့ ဆိုပါတယ်။

လူ ၇ ယောက်လောက် ဝိုင်းကြည့်နေရင်ကို ကြောက်သလို ခံစားရတယ်လို့ ဆိုပါတယ်။ စိတ်ဒဏ်ရာလေးတွေ ရှိရင်း ချစ်သူရည်းစားတွေ ဖြစ်လာခဲ့ကြတဲ့ တောင်ကိုရီးယား နာမည်ကျော် စုံတွဲလေး IU နဲ့  Lee Jong Suk တို့ရဲ့ အကြောင်းကို ဖော်ပြပေးလိုက်ပါတယ်။