လတ်တလောမှာ ရှမ်းလက်နက်ကိုင်နှစ်ဖွဲ့ဖြစ်တဲ့ ရှမ်းပြည်ပြန်လည်ထူထောင်ရေးကောင်စီ (RCSS) နဲ့ ရှမ်းပြည်တိုးတက်ရေးပါတီ (SSPP)တို့အကြား ထိတွေတိုက်ပွဲတွေ ပြင်းထန်နေတာ ဖြစ်ပါတယ်။ အဆိုပါတိုက်ပွဲတွေကြောင့် ရာနဲ့ချီတဲ့ ဒေသခံပြည်သူ အများအပြားဟာ ထွက်ပြေတိမ်းရှောင်ခဲ့ပါတယ်။ ယခုမှာ ရှမ်းပြည်နယ်တောင်ပိုင်း၊ မိုင်းကိုင်မြို့နယ်ရှိ နောင်လျှော်ကျေးရွာမှာရှိတဲ့ စစ်ရှောင်စခန်းက ပြည်သူရဲ့ စိတ်မကောင်းစရာ သတင်းတစ်ခုကို ကြားသိရပါတယ်။
ဒါကတော့ စတင်ဘာလ(၁၉)ရက် နေ့လည် (၁၂)နာရီလောက်မှာ စစ်ရှောင်စခန်းအနီးအနားမှာ တိုက်ပွဲတွေဖြစ်ပြီး လက်နက်ကြီး ၊ လက်နက်သံတွေကြားရတာကြောင့် စစ်ရှောင်စခန်းမှာ မနေရဲတော့ဘဲ ပစ္စည်းများသိမ်းပြီး တခြားနေရာရှောင်ရန် အတွက် ပြင်ဆင်ခဲ့ရတာဖြစ်ပါတယ်။ လက်ရှိမှာတော့ ပြည်သူတွေဟာ ဘယ်ဆီကို ထွက်ပြေးရမှန်းမသိ ဖြစ်နေပြီး အခက်အခဲတွေကြုံတွေ့ နေရပါတယ်။ တချို့ပြည်သူတွေကတော့ အနီးအနားက ဘုန်းတော်ကြီးကျောင်းတွေမှာ ခဏတာခိုလှုံနေကြတယ်လို့ ကြားသိရပါတယ်။
စိုးရိမ်ပူပန်စွာနဲ့ စစ်ဘေးရှောင်လာရတဲ့ ပြည်သူတွေရဲ့ မြင်ကွင်းတွေကတော့ တကယ့်ကို စိတ်မကောင်းစရာဖြစ်ရပါတယ်။ စစ်ဘေးရှောင်လာတဲ့ ပြည်သူတွေထဲမှာ ကလေးငယ် (၁၈၀)လောက် နဲ့ ကိုရင်အပါး (၄၀) လောက်လည်း ပါဝင်တယ်လို့ သိရပါတယ်။ လက်ရှိမှာ အခက်အခဲဖြစ်နေကြတဲ့ စစ်ဘေးရှောင်တွေကို တအောင်းလူမှုကူညီရေးအသင်းက အဝတ်အထည်တွေ ကူညီနေပေမယ့် စားနပ်ရိက္ခာအခက်အခဲရှိတယ်လို့ သိရပါတယ်။
သတင်း အရင်းအမြစ်៖ Source - SHANBurmese