မင်းသမီး အိန္ဒြာကျော်ဇင်နဲ့ မင်းသမီး ပိုင်ဖြိုးသုတို့ အဓိကပါဝင်သရုပ်ဆောင်ထားတဲ့ “What happened to the wolf?” ရုပ်ရှင်ကားကြီးကတော့ "Oldenburg International Film Festival" မှာ Official Competitation အတွက် ရွေးချယ်ခြင်းခံခဲ့ရတာ ဖြစ်ပါတယ်။ ဒါကြောင့် ဒီဇာတ်ကားကြီးကို World Premiere အဖြစ်ပြသသွားမှာလည်း ဖြစ်ပါတယ် ။ ဒီဇာတ်ကားကိုဒါရိုက်တာဏကြီးက ပုံဖော်ရိုက်ကူးပြီး အိန္ဒြာကျော်ဇင်၊ ပိုင်ဖြိုးသု၊ လွင်မိုး၊ အောင်မြင့်မြတ်တို့နဲ့အတူ ဧည့်သည်သရုပ်ဆောင်အဖြစ် ကျော်ထက်အောင်က ပါဝင်ထားတာ ဖြစ်ပါတယ် ။
ဂျာမနီနိုင်ငံ၊ Oldenburg မြို့မှာတော့ "Oldenburg International Film Festival " ကို စက်တင်ဘာလ (၁၅) ရက်နေ့ကနေ စက်တင်ဘာ (၁၉)ရက်နေ့အထိကျင်းပပြုလုပ်နေတာ ဖြစ်ပါတယ် ။ ဒီပွဲမှာ “What happened to the wolf?” ဇာတ်ကားကြီးကို ပြသနေတာဖြစ်ပြီး လာရောက်ကြည့်ရှုအားပေးသူ ပရိသတ်တွေလည်း အများအပြားရှိနေတာ ဖြစ်ပါတယ် ။ ဒေသခံပရိသတ်တွေအပြင် ဂျာမနီနိုင်ငံ Hamburg မြို့နဲ့ နယ်သာလန်နိုင်ငံ Amsterdam မြို့မှာရှိတဲ့ မြန်မာပရိသတ်တွေကလည်း ဒီဇာတ်ကားကြီး လာရောက်အားပေးကြည့်ရှုခဲ့ကြတာ ဖြစ်ပါတယ် ။
ရုပ်ရှင်ပွဲတော်ရဲ့ဖွင့်ပွဲအခမ်းအနားမှာတော့ "Oldenburg International Film Festival"ရဲ့ Festival Director ဖြစ်သူ Torsten Neumann နဲ့တာဝန်ရှိသူတွေက အိန္ဒြာကျော်ဇင်စာတန်းပါ တီရှပ်ကိုဝတ်ဆင်ပြီး တက်ရောက်ခဲ့ကြတာ ဖြစ်ပါတယ် ။ ဒါ့အပြင် Torsten Neumann က "What happened to the wolf?" ရုပ်ရှင်မှာပါဝင်တဲ့ အနုပညာရှင်၊ အတတ်ပညာရှင်များနဲ့ရုပ်ရှင်အဖွဲ့သားများအားလုံးအတွက် အားပေးဂုဏ်ပြုစကားတွေကိုလည်း ပြောကြားပေးခဲ့တာ ဖြစ်ပါတယ် ။ EainDra Kyaw Zin ဆိုတဲ့နာမည်စာတန်းပါတဲ့ တီရှပ်ကိုဝတ်ဆင်ပြီး ဂုဏ်ပြုခံရတဲ့အပေါ် မြန်မာနိုင်ငံက ပရိသတ်တွေကလည်း အူဝဲအတွက် ဝမ်းသာဂုဏ်ယူနေကြတာ ဖြစ်ပါတယ် ။ "Oldenburg International Film Festival" ပွဲကို တက်ရောက်လာတဲ့ တာဝန်ရှိသူတွေရဲ့ပုံရိပ်တွေကိုလည်း ပြန်လည်ဖော်ပြပေးလိုက်ရပါတယ်။
Source & Photo Credit-”What happened to the wolf?” FB Page